हलाखीवर मात, जिद्दीने मारली बाजी! मुखेडच्या सरफराजला एकाच वेळी दोन सरकारी नोकऱ्यांचे कॉल
▫️हॉटेलमध्ये काम करणाऱ्या वडिलांच्या डोळ्यात सुखाचे अश्रू; नागपूर कारागृह पोलीस आणि SRPF अशा दोन्ही नोकऱ्यांवर एकाच वेळी मोहर!
मुखेड प्रतिनिधी :- श्रमिक एकता न्यूज़ ०७ जून २६
नशिबाचे फेरे कितीही कठीण असले तरी, जर सोबतीला जिद्द आणि अपार मेहनत असेल तर यशाचे शिखर गाठता येते, हे मुखेडच्या सरफराज मुजीब शेख याने सिद्ध करून दाखवले आहे.
सरफराजची पुणे SRPF गट क्र. २ मध्ये निवड झाली असून, त्याच्या या यशाने संपूर्ण शहरात कौतुकाचा वर्षाव होत आहे.
सरफराजची घरची परिस्थिती अत्यंत हलाखीची आहे. त्याचे वडील एका हॉटेलमध्ये काम करून कुटुंबाचा उदरनिर्वाह करतात. मुलाने शिकावे आणि मोठे व्हावे, या स्वप्नासाठी त्यांनी दिवसरात्र कष्ट उपसले. सरफराजला देशसेवेचा वारसा त्याच्या घरातूनच मिळाला आहे; त्याचे आजोबा मैनोद्दीन हैदर शेख यांनी भारतीय सैन्यात सेवा बजावून देशाचे रक्षण केले होते. आजोबांचा तोच वारसा आता नातू पुढे चालवणार आहे.
एकाच वेळी दोन मोठ्या संधी सरफराजच्या मेहनतीला असे फळ मिळाले की, त्याला एकाच वेळी दोन विभागांतून नियुक्तीचे आदेश आले. पुणे SRPF गट क्र. २ आणि नागपूर कारागृह पोलीस या दोन्ही ठिकाणी त्याची निवड झाली. मात्र, सरफराजने पुणे SRPF मध्ये सामील होण्याचा निर्णय घेतला आहे.
पोलीस निरीक्षक होण्याचे स्वप्न निवडीनंतर आपली भावना व्यक्त करताना सरफराज म्हणाला की,”हे यश केवळ माझे नसून माझ्या वडिलांच्या कष्टाचे फळ आहे. आज पोलीस दलात शिपाई म्हणून प्रवेश करत असलो, तरी माझे स्वप्न येथेच थांबणार नाही. भविष्यात स्पर्ध परीक्षांच्या माध्यमातून पोलीस निरीक्षक होऊन समाजाची सेवा करायची आहे.
मुखेडच्या या सामान्य घरातील तरुणाने दाखवलेल्या असामान्य कर्तृत्वामुळे तरुणांसमोर एक नवा आदर्श निर्माण झाला आहे. सर्व स्तरांतून सरफराजवर अभिनंदनाचा वर्षाव होत आहे.
