शहर

मुखेडचे शासकीय धान्य गोदाम बनले उघडी मुतारी; गोरगरिबांच्या घासाला दुर्गंधीचा विळखा

ठेकेदार,पुरवठा विभागाचा भोंगळ कारभार चव्हाट्यावर; गरिबांच्या आरोग्याशी जीवघेणा खेळ श्रमिक एकता न्यूज नेटवर्क:- ०८ नोव्हेंबर २६ एकीकडे सरकार ‘स्वच्छ भारत‘चा नारा देत आहे, तर दुसरीकडे मुखेड येथील शासकीय स्वस्त धान्य गोदामाला अक्षरशः सार्वजनिक मुतारीचे स्वरूप आले आहे. ज्या पवित्र गोदामातून तालुक्यातील हजारो गोरगरिबांच्या ताटात जाणारे अन्नधान्य साठवले जाते, तिथेच सर्वत्र अस्वच्छता आणि लघवीची दुर्गंधी पसरल्याने प्रशासनाच्या निर्ढावलेल्या कारभारा…

Read More »

मुखेडमध्ये ‘पहिला दिवा रयतेच्या राजाला’ उपक्रमांतर्गत शिवस्मारकावर दीपोत्सव उत्साहात साजरा

दिव्यांच्या प्रकाशाने उजळून निघाले छत्रपती शिवाजी महाराज स्मृतीस्थळ श्रमिक एकता न्यूज़ नेटवर्क मुखेड:- ०८ नोव्हेंबर २६ मुखेड (प्रतिनिधी): दरवर्षीप्रमाणे याहीवर्षी दिवाळीच्या दीपोत्सवाचे औचित्य साधून मुखेड येथील छत्रपती शिवाजी महाराज स्मृतीस्थळी ‘पहिला दिवा रयतेच्या राजाला!’ या उपक्रमांतर्गत बहुजन प्रतिपालक छत्रपती शिवाजी महाराज यांना मानाचा मुजरा करण्यात आला. शिवस्मारक ठिकाणी…

Read More »

आ.रोहित पवार यांच्या प्रयत्नाने आत्महत्याग्रस्त कंत्राटदार गजानन देवकते यांच्या कुटुंबाला मोठा दिलासा; तात्काळ ६० लाख रुपये मंजूर

▫️सर्वसामान्य शेतकरी आणि कष्टकऱ्यांच्या वेदना जाणून घेणारा लोकनेता.. श्रमिक एकता न्यूज़ नेटवर्क मुखेड: ०७ नोव्हेंबर  आज दिनांक ७ नोव्हेंबर २०२६ रोजी दुपारी १२ वाजता आमदार रोहित पवार यांनी मुखेड दौरा केला. यादौऱ्यात त्यांनी आत्महत्याग्रस्त कंत्राटदार गजानन देवकते यांच्या कुटुंबाची सांत्वनपर भेट घेतली आणि प्रशासनाशी थेट संपर्क साधून त्यांच्या थकीत बिलां पैकी ६० लाख रुपये तात्काळ मंजूर करून घेतले. मुखेडचे रहिवासी असलेले कंत्राटदार गजानन देवकते यांनी दोन कोटींची देयके थकल्यामुळे २५ ऑगस्ट रोजी नवी मुंबईत आत्महत्या केली होती. त्यांच्या पत्नी शीतल देवकते यांनी सार्वजनिक बांधकाम विभागातील अधिकाऱ्यांवर लाच मागितल्याचा गंभीर आरोप केला होता. ५ लाख रुपये देऊनही अधिकारी आणखी ८ लाख रुपयांची मागणी करत होते, ज्यामुळे त्यांनी हे टोकाचे पाऊल उचलले, असा आरोप करण्यात आला होता. गजानन देवकते यांचे एकूण १ कोटी २० लाख रुपयांचे बिल थकीत होते. आमदार रोहित पवार यांनी देवकते यांच्या निवासस्थानी जाऊन कुटुंबीयांची भेट घेतली व त्यांना धीर दिला. यावेळी त्यांनी थेटमंत्रालयात संबंधित खात्याच्या अधिकाऱ्यांना फोन करून तात्काळ ६० लाख रुपये मंजूर करून दिले. यामुळे देवकते कुटुंबीयांना मोठा दिलासा मिळाला असून, कुटुंबीयांनी आमदार रोहित पवार यांचेमनःपूर्वक आभार व्यक्त केले. उर्वरित थकीत बिलही लवकरात लवकर मंजूर करून घेऊ, असे आश्वासन आमदार पवार यांनी दिले. तसेच या प्रकरणात दोषी अधिकाऱ्यांवर कायदेशीर कारवाई करण्यात येईल, असेही त्यांनी स्पष्ट केले. या दौऱ्याच्या सुरुवातीला आमदार रोहित पवार यांनी मुखेड येथील राष्ट्रवादी काँग्रेस (शरदचंद्र पवारपक्ष) कार्यालयाला धावती भेट दिली. तेथे मुखेड तालुका अध्यक्ष शिवाजी नागोराव जाधव उमरदरीकर…

Read More »

नांदेडच्या फेऱ्या वाचणार; मुखेडला वरिष्ठस्तर दिवाणी न्यायालय मंजूर, आमदार डॉ. तुपार राठोड यांच्या प्रयत्नांना यश!

श्रमिक एकता न्यूज नेटवर्क मुखेड :- ०६ नोव्हेंबर २६ मुखेड तालुक्याच्या न्यायव्यवस्थेच्या दृष्टीने अत्यंत महत्त्वपूर्ण निर्णय घेण्यात आला आहे. आमदार डॉ. तुपार राठोड यांच्या सातत्यपूर्ण प्रयत्नांना यश आले असून, मुखेड येथे वरिष्ठ स्तर दिवाणी न्यायालयस्थापन करण्यास राज्य मंत्रिमंडळाच्या बैठकीत मंजुरी देण्यात आली आहे. त्यामुळे यापूर्वी सुरू असलेल्यालिंक कोर्टाचे आता स्वतंत्र न्यायालयात रूपांतर होणार आहे. मुखेड तालुक्यातील नागरिकांना न्यायालयीन कामकाजासाठी नांदेड येथे जावे लागत असल्याने वेळ, पैसा आणि श्रम खर्च करावे लागत होते. हीगैरसोय दूर करण्यासाठी मुखेड येथे वरिष्ठ स्तरावरील दिवाणीन्यायालय सुरू करण्याची मागणी अनेक वर्षांपासून होत होती. यासाठी आमदारडॉ. तुपार राठोड यांनीविधी व न्याय विभागाकडे सातत्याने पाठपुरावा केला होता. अखेर त्यांच्या प्रयत्नांना मंत्रिमंडळाच्या मंजुरीमुळे यश मिळाले आहे. यापूर्वी मुखेड येथे केवळ लिंककोर्टाची व्यवस्था मंजूर होती. मात्र, आता याव्यवस्थेचे पूर्णवेळ स्वतंत्र न्यायालयात रूपांतर होणारअसल्याने तालुक्यातील नागरिकांना मोठा दिलासा मिळणार आहे. मुखेड हे भौगोलिकदृष्ट्या विस्तीर्ण क्षेत्र आणि मोठी लोकसंख्या असलेले तालुक्याचे ठिकाण आहे. त्यामुळे वरिष्ठ स्तरावरील दिवाणी न्यायालयसुरू झाल्याने स्थानिक नागरिकांना न्याय मिळवण्यासाठी नांदेडच्या फेऱ्या मारण्याची गरज मोठ्या प्रमाणात कमी होणार आहे. या निर्णयामुळे केवळ नागरिकांची गैरसोय दूर होणार नाही, तर मुखेडच्या न्यायव्यवस्थेला अधिकबळकटी मिळणार आहे. तसेच न्यायालयीनकामकाजासाठी आवश्यक पदनिर्मिती आणि इतर प्रशासकीय सुविधांचाही मार्ग मोकळा होणार आहे. आमदार डॉ. तुपार राठोड यांच्या पाठपुराव्यामुळे मुखेडच्या न्यायालयीन सुविधांमध्ये महत्त्वाची भर पडली असून, या निर्णयाचे तालुक्यातून स्वागत होत आहे.

Read More »

मुखेड नगर परिषदेचा निष्काळजीपणा: रस्त्यावरील मोकळे ‘शिरकोट’ बनले मृत्यूचा सापळा!

▫️गणपती मिरवणुकीच्या नावाखाली तात्पुरती मलमपट्टी; शाळकरी मुले घसरून जखमी, नागरिकांत प्रचंडसंताप श्रमिक एकता न्यूज़ नेटवर्क मुखेड : ३० सप्टेंबर २६ गणपती मिरवणुकीच्या निमित्ताने शहरातील रस्त्यांची दुरुस्ती करण्याचे आदेश कागदावर निघाले खरे, मात्र मुखेड नगर परिषदेने प्रत्यक्षात कामाची केवळ थातुरमातुर बोळवण केल्याचे उघड झाले आहे.  काही मोजक्या ठिकाणी सिमेंट टाकून खड्डे बुजवण्यात आले, तर बहुतांश रस्त्यांवर डांबरा शिवाय मोकळे‘शिरकोट‘ (बारीक खडी) पसरवून तात्पुरती मलमपट्टी करण्यात आली. रोलर न फिरवता टाकलेली हीखडी आता थेट अपघातांना निमंत्रण देत असून, विद्यार्थ्यांसह वाहनधारकांच्या जीवावर बेतत आहे. या रस्त्यांवरून शाळा आणि क्लासेससाठी जाणाऱ्या विद्यार्थ्यांच्या सायकली व दुचाकी घसरून दररोज अपघात होत आहेत. अनेक शाळकरी मुले या शिरकोट वरून पडून जखमी होत आहेत. शहरातील शनिदेव मंदिर मुख्य रस्ता, गोरक्षण रस्ता, मुगावे यांच्या घराच्या बाजूचा रस्ता तसेच माजी नगराध्यक्ष…

Read More »

सर्पदंश झाल्यास अंधश्रद्धेला बळी पडू नका; तातडीने शासकीय रुग्णालयात उपचार घ्या : जिल्हा शल्य चिकित्सक

श्रमिक एकता न्यूज नेटवर्क नांदेड :- २६ सप्टेंबर २६  सर्पदंश ही एक तातडीची वैद्यकीय आणीबाणी असून वेळेत योग्य उपचार मिळाल्यास रुग्णाचे प्राणनिश्चितपणे वाचवता येतात. त्यामुळे मांत्रिक, झाडफूक किंवा जडीबुटी अशा कोणत्याही अंधश्रद्धेला बळी न पडता रुग्णाला तातडीने जवळच्या शासकीय रुग्णालयात दाखल करावे, असे आवाहन जिल्हाशल्य चिकित्सक डॉ. संजय पेरके यांनी केले आहे. महाराष्ट्र शासनाने सर्पदंशाचा समावेश ‘अधिसूचित आजार‘ म्हणून केला असून, नांदेड जिल्ह्यातील सर्व प्राथमिक आरोग्य केंद्रे, ग्रामीण, उपजिल्हा व जिल्हासामान्य रुग्णालयात सर्पदंशावरील ‘अँटी–स्नेक व्हेनम‘ (ASV) व आवश्यक औषधसाठा पुरेसा उपलब्ध आहे. सर्पदंशानंतर रुग्णाला घाबरू न देता शांत ठेवावे आणि दंश झालेला अवयव जास्त हालचाल न करतापट्टी वा कापडाने स्थिर ठेवावा. सूज येण्यापूर्वी अंगठी, घड्याळ व घट्ट कपडे काढून टाकावेत. रुग्णाला चालवत नेण्याऐवजी १०८ किंवा १०२ रुग्णवाहिकेच्या मदतीने थेट रुग्णालयात न्यावे. दंशाच्या जागी ब्लेडने कापणे, तोंडाने विष शोषण्याचा प्रयत्न करणे किंवा दोरीने अतिघट्ट बांधणे असे धोकादायकप्रकार कटाक्षाने टाळावेत. तसेच शेतात काम करताना मजबूत पादत्राणे वापरणे, रात्री बॅटरी–काठीसोबत ठेवणे आणि जमिनीवर न झोपता खाट व मच्छरदाणीचा वापर करणे गरजेचे आहे. वेळेवर मिळणारे वैद्यकीय उपचार हाच रुग्णाचा जीव वाचवण्याचा एकमेव खात्रीशीर मार्ग आहे, असे आवाहन डॉ. पेरके यांनी केले आहे.

Read More »

खरेदी-विक्री संघाच्या ७ जागांसाठी २३ सप्टेंबरला रणधुमाळी; त्याच दिवशी निकाल

श्रमिक एकता न्यूज नेटवर्क:- २१ सप्टेंबर २६ मुखेड तालुका सहकारी खरेदी–विक्री संघ मर्यादितच्या २०२६ ते २०३१ या पंचवार्षिक कालावधीसाठी संचालक मंडळाची निवडणूक बुधवार, २३ सप्टेंबर २०२६ रोजी पार पडणार आहे. नवा मोंढा येथील संस्थेच्या कार्यालयात सकाळी ८ ते दुपारी ४ या वेळेत मतदान प्रक्रिया चालणार असून, मतदानानंतर लगेचच त्याच ठिकाणी मतमोजणी होणार आहे.  या निवडणुकीत एकूण ७ जागांसाठी मतदान होत असून, यात वैयक्तिक मतदारसंघ (२ जागा), महिला प्रतिनिधी (२ जागा), अनुसूचित जाती–जमाती (१ जागा), इतर मागासवर्गीय (१ जागा) आणि विमुक्तजाती–भटक्या जमाती (१ जागा) या प्रवर्गांचा समावेश आहे. या निवडणुकीसाठी वैयक्तिक मतदार संघातील १४६ आणि संबंधित सहकारी संस्था मतदारसंघातील ९५मतदार मतदानाचा हक्क बजावणार आहेत. ही संपूर्ण प्रक्रिया शांततेत व सुरळीत पार पडावी यासाठीचोख पोलीस बंदोबस्त आणि सहकार विभागातील कर्मचाऱ्यांची नियुक्ती करण्यात आली असून, निवडणूक निर्णय अधिकारी अनिल चव्हाण यांच्या देखरेखीखाली ही निवडणूक संपन्न होत आहे.

Read More »

दुष्काळसदृश्य परिस्थितीत शासन शेतकऱ्यांच्या पाठीशी खंबीर; मदतीसाठी पाठपुरावा करणार – पालकमंत्री अतुल सावे

▫️नांदेड जिल्ह्यातील पीक परिस्थिती, पाणीसाठा व वीजपुरवठ्याचा सविस्तर आढावा ◽️नुकसानीची वस्तुनिष्ठ माहिती शासनाला सादर करण्याचे प्रशासनाला निर्देश ◽️संभाव्य पाणीटंचाई व…

Read More »

आज नांदेडमध्ये पावसासाठी विशेष प्रार्थना; ईदगाह देगलूरनाका येथे नमाज-ए-इस्तिस्का

श्रमिक एकता न्यूज़ नेटवर्क नांदेड दाऊत शेख :- ११ सप्टेंबर २६  मराठवाड्यासह नांदेड जिल्ह्यात पावसाने मोठी ओढ दिली असून, पावसाळ्याचे जवळपास तीन महिनेउलटूनही अपेक्षित प्रमाणात पाऊस झालेला नाही. यामुळे शेतकरी आणि नागरिकांमध्ये चिंता वाढलीआहे. या पार्श्वभूमीवर पावसासाठी अल्लाहकडे विशेष प्रार्थना करण्याची नमाज–ए–इस्तिस्का अदा करण्यातयेणार आहे. शुक्रवार, ११ सप्टेंबर रोजी दुपारी ३.३० वाजता देगलूरनाका येथील ईदगाह मैदानावर हीविशेष नमाज अदा केली जाणार आहे. नमाज–ए–इस्तिस्का ही पाऊस पडावा आणि जनजीवनाला दिलासा मिळावा, यासाठी अल्लाहकडे विशेषदुआ व प्रार्थना करण्याची नमाज आहे. सध्याच्या पावसाच्या कमतरतेच्या पार्श्वभूमीवर मुस्लिम समाजाकडून ही प्रार्थना करण्यात येत आहे. या विशेष नमाजमध्ये मुस्लिम बांधवांनी मोठ्या संख्येने सहभागी होऊन पावसासाठी दुआ करावी, असे आवाहन करण्यात आले आहे. नमाजसाठी येताना वजू करून यावे, इस्तिगफार करावा, सदका–खैरात करावी आणि साध्या पोशाखात उपस्थित राहावे, अशा सूचना देण्यात आल्या आहेत. पाऊस हा प्रत्येकाच्या जीवनाशी आणि शेतीशी जोडलेला विषय आहे. त्यामुळे नांदेड आणि…

Read More »

मुखेडमध्ये ‘भारत जोडो’च्या वर्षपूर्तीनिमित्त भव्य वॉकेथॉन; राष्ट्रीय एकता व आरोग्याचा दिला संदेश

युवक, महिला, विद्यार्थी व नागरिकांचा मोठा सहभाग; विजेत्यांना खा. प्रा. रवींद्र चव्हाण यांच्या हस्तेपारितोषिक वितरण श्रमिक एकता न्यूज़ नेटवर्क मुखेड: ०८ सप्टेंबर २६ भारत जोडो यात्रेच्या ५ व्या वर्षपूर्तीचे औचित्य साधून मुखेड शहर काँग्रेस कमिटीतर्फे आयोजित करण्यातआलेल्या ‘राष्ट्रीय एकता पदयात्रा‘ आणि ‘भव्य वॉकेथॉन‘ स्पर्धेला शहरवासीयांचा उदंड प्रतिसादमिळाला. या उपक्रमातून राष्ट्रीय एकता, सामाजिक सलोखा, बंधुभाव आणि निरोगी जीवनशैलीचा संदेशजनतेपर्यंत पोहोचविण्यात आला. महाराष्ट्र प्रदेश काँग्रेस कमिटीचे सरचिटणीस तथा ‘भारत यात्री‘ डॉ. श्रावण रॅपनवाड यांच्या संकल्पनेतूनया कार्यक्रमाचे आयोजन करण्यात आले होते. माजी आमदार हनुमंतराव पाटील बेटमोगरेकर वमराठवाडा भूषण डॉ. दिलीप पुंडे यांच्या हस्ते या उपक्रमाचे उद्घाटन करण्यात आले. यावेळी संजीवनीसकाळ समूह, जय श्रीराम आरोग्यदायी मंडळ, जिप्सी मॉर्निंग ग्रुप यांसह शहरातील युवक, महिला आणिविद्यार्थी मोठ्या संख्येने पदयात्रेत सहभागी झाले होते. ही वॉकेथॉन स्पर्धा महिला, पुरुष, विद्यार्थी आणि विद्यार्थिनी अशा चार गटांत पार पडली. यामध्ये सौ. शीतल राजेमोड (महिला गट), प्रकाश राठोड (पुरुष गट), विश्वजीत राठोड (विद्यार्थी गट) आणि वैष्णवीसुरवसे (विद्यार्थिनी गट) यांनी आपापल्या गटात प्रथम क्रमांक पटकावला. पहिल्या तीन विजेत्यांनाअनुक्रमे ५,५५५ रुपये, ३,५५५ रुपये आणि २,५५५ रुपये रोख रक्कम, स्मृतिचिन्ह व प्रशस्तीपत्र देऊनगौरविण्यात आले. या स्पर्धेचे पारितोषिक वितरण खासदार प्रा. रवींद्र चव्हाण यांच्या हस्ते पार पडले. यावेळी त्यांनीआरोग्यासाठी नियमित चालण्याचे महत्त्व विशद केले. कार्यक्रमाला मिळालेला प्रतिसाद पाहून डॉ. श्रावण रॅपनवाड यांनी, “मुखेडकरांच्या या उत्स्फूर्त सहभागामुळे भारत जोडो यात्रेची आठवण पुन्हा जागीझाली,” अशी भावना व्यक्त केली. या कार्यक्रमास आयोजक शहराध्यक्ष हनमंत नारनाळीकर,राजे छत्रपती  अकॅडमीचे संचालक ज्ञानेश्वर डुमणे,ज्येष्ठ नेते माधवराव पाटील, चंद्रकांत घाटे, बालाजी बंडे, शिवसेना उपजिल्हाप्रमुख भालचंद्रनाईक, ज्ञानेश्वरजी डुमने सर, कार्याध्यक्ष संभाजी पाटील उंद्रीकर, प्रा. अखिल येवतीकर, शिवशंकरपाटील कलंबरकर, सुनील आरगीळे, सचिन गुद्दे, शेख रियाज, सुरेश पा. बेळीकर, बालाजी वाडेकर, इरफान शेख, दिनेश केरुरकर, गजु मोरे, एम. आर. गोपनर, सतीश पा. केरुरकर आदींसह काँग्रेसपदाधिकारी, सामाजिक कार्यकर्ते, युवक, महिला व नागरिक मोठ्या संख्येने उपस्थित होते. पोलीस उपनिरीक्षक अभिजित तुतरवाड आणि त्यांच्या पथकाने चोख बंदोबस्त ठेवल्याने हा उपक्रमसुरळीत पार पडला. सर्व सहभागी स्पर्धकांना काँग्रेस कमिटीतर्फे प्रशस्तीपत्र देऊन सन्मानित करण्यातयेणार आहे.

Read More »