० काँग्रेस प्रदेश सचिव डॉ. श्रावण रॅपणवाड यांचा सवाल
मुखेड प्रतिनिधी:-
मुखेड कृषी उत्पन्न बाजार समितीने ज्या कारणासाठी गाळे दिले आहे त्या कारणासाठी उपयोग होत नसेलतर कारवाईची नोटीस देणाऱ्या बाजार समितीला समितीतील ले आऊट चे रस्ते लीज डीड करून देण्याचाअधिकार आहे काय? असा संतप्त सवाल काँग्रेस प्रदेश सचिव डॉ. श्रावण रॅपणवाड यांनी केला आहे.
मुखेड कृषी उत्पन्न बाजार समितीने काही गाळेधारकांना कारवाईच्या नोटिसा काढल्या आहेत त्यापार्श्वभूमीवर काँग्रेसचे प्रदेश सचिव डॉ. श्रावण रॅपनवाड यांनी एक प्रसिद्धीपत्रक काढून कृषी उत्पन्न बाजारसमितीला अनेक प्रश्न केले आहेत. मुखेड कृषी उत्पन्न बाजार समिती ही कायम भ्रष्टाचार व अनागोंदीकारभारामुळे चर्चेत असते, यापूर्वी झालेल्या कृषी उत्पन्न बाजार समिती वरील त्या आरोपांचे खंडन झालेआहे काय? एखाद्या गाळ्यात राजकीय पक्षाचे कार्यालय थाटले म्हणून नोटीस काढणाऱ्या कृषी उत्पन्नबाजार समितीने यापूर्वी कोणते नियम पाळले आहेत? कृषी निवास, गुरांसाठी पानवठा, चाऱ्याची व्यवस्थाकुठे आहेत? बाजार समितीच्या जागेत सर्वच गाळयांवर निवासी घरे आहेत हे कोणत्या नियमात बसते ? समितीकडून शेतकऱ्यांना कोणता न्याय मिळतो? एवढेच नव्हे बाजार समितीने आतापर्यंत ले आऊटमधीलकिती डांबरी आणि सिमेंट रोडचे लीज डिड करून दिले आहेत यावर कधी प्रकाश पडला आहे काय ? ५रस्त्यांत नुकतेच लोकप्रतिनिधीच्या दबावात शहरातून मोंढा परिसरात जाणारा २० फुटांचा मुख्य डांबरीरस्ताच लीज डिड करून दिलेला आहे. अहिल्याबाई होळकर प्रवेशद्वारापासून समितीच्या कार्यालयापर्यंत ४०फुटांचा रोड मुक्त करणे आवश्यक असताना दोन्ही बाजूच्या व्यापाऱ्यांकडून मलिदा लाटून त्यांच्या नावेकरून देण्यात आलेली आहेत. जांब उपसमितीच्या ताब्यातील व्यापारी गाळ्यांचे सरळ सरळ व्यापारीकरणकरण्यात आले असून यासाठी लोकप्रतिनिधींच्या मर्जीतील एका खास संचालकांची नेमणूकच केली होती. यामुळे व अनेक अनागोंदी कारभारामुळे मुखेड कृषी उत्पन्न बाजार समिती प्रसिद्ध असतानाच एक दोनगाळेधारकांना पक्षीय राजकीय द्वेषापोटी नोटिसा काढणे म्हणजे विनाशकाले विपरीत बुद्धी होय असेहीप्रसिद्धी पत्रकात शेवटी डॉ. श्रावण रॅपणवाड यांनी म्हटले आहे.
