खासदार रविंद्र पाटील यांच्या कडून सावली फाऊंडेशनच्या कार्याचे कौतुक
बेटमोगरा प्रतिनिधी:-
बेटमोगरा येथील ऐतिहासिक श्री.शिवलिंग बादशाह मठ संस्थान परिसरात व्यायामशाळा मंजूर करण्यातयावा या मागणीचे निवेदन आज सावली फाऊंडेशन च्या शिष्टमंडळाने नांदेड जिल्ह्याचे खासदार मा.रविंद्रपाटील चव्हाण यांना दिले. याप्रसंगी शिवलिंग बादशाह मठ संस्थानचे मठाधिपती श्री.सिद्धदयाळ शिवाचार्यमहाराज बेटमोगरेकर यांनी सावली फाउंडेशनच्या कार्याचे, निसर्ग मित्रांच्या दैनंदिन मेहनतीचे व मिळतअसलेल्या यशाची सखोल माहिती खासदार यांना दिली. यादरम्यान खासदार रविंद्र पाटील सावली फाऊंडेशनच्या कार्याचे कौतुक करत व्यायाम शाळेच्या प्रश्न लवकरच मार्गी लावण्याचे आश्वासन देत सावली फाउंडेशनच्या उद्यानातील सर्व झाडांची पाहणी केली. याप्रसंगी माजी आमदार हणमंतराव पाटील बेटमोगरेकर, डॉ.यशपालजी भिंगे यांची प्रमुख उपस्थिती होती.
यावेळी,धनराज पाटील, बालाजी पाटील,श्रीधर पाटील,डॉ.फारुख शेख,इस्माईल शेख,गणू सावकार अन्सापूरे, मुस्तफा पिंजारी,शमशुद्दीन शेख, आसलम दौलताबादी सह आदींची उपस्थिती होती.
