नांदेड प्रतिनिधी:-
मार्क्सवादी कम्युनिस्ट पक्षाचे २४ वे महाराष्ट्र राज्य अधिवेशन आज परभणी जिल्ह्यातील सेलू येथे आयोजित करण्यात आले आहे. अधिवेशनाची जय्यत तयारी करण्यात आली असून राज्य भरातून हजारो कार्यकर्ते व पदाधिकारी या अधिवेशनाला उपस्थित राहणार आहेत. गुरूवारी सकाळी११ वाजता माकपचे पॉलीट ब्युरो तथा केंद्रीय समन्वयक प्रकाश करात यांच्या हस्ते अधिवेशनाचे उद्घाटन होणार आहे. तर दुपारी ४ वाजता हुतात्मा स्मारक सेलू येथून शोभायात्रा काढण्यात येणार आहे. सायंकाळी ५ वाजता शहरातील टिळक पुतळा येथे अधिवेशनाची जाहीर सभा पार पडणार आहे. या सभेला केंद्रीय समन्वयक, माकप पॉलिट ब्युरो प्रकाश करात, खा. निलोत्पल बसू, डॉ. अशोक ढवळे, डॉ. उदय नारकर आदी संबोधित करणार आहेत. अधिवेशनास कष्टकरी,कामगार संघटनेचे पदाधिकारी व सदस्यांनीउपस्थित रहावे असे आवाहन भाई प्रा. यु. आर. थोंबाळ,रामकृष्ण शेरे, विजय गाभणे, शंकर गिडाम, उज्वला पडलवार, गंगाधर गायकवाड, नसीर शेख यांच्यासह माकप नांदेड जिल्हा समितीच्या वतीने करण्यात आले आहे
