लातूर रोड–बोधन रेल्वेसाठी मुखेडात रणशिंग! संघर्ष समितीचा एल्गार; अध्यक्षपदी दिलीप कोडगिरे यांची निवड
▫️”मुखेड रेल्वे संघर्ष समितीचा ‘हुंकार‘; आता लढा थेट दिल्लीपर्यंत!”
मुखेड: (प्रतिनिधी) श्रमिक एकता न्यूज़ १८ मार्च २६
गेल्या अनेक दशकांपासून प्रलंबित असलेल्या लातूर रोड–मुखेड–बिलोली–बोधन या महत्त्वाकांक्षी रेल्वेमार्गासाठी आता आर–पारची लढाई लढण्याचा निर्धार मुखेडकरांनी केला आहे. मंगळवार, १७ मार्च२०२६ रोजी मुखेड येथील शासकीय विश्रामगृहात पार पडलेल्या निर्णायक बैठकीत रेल्वे संघर्ष समितीचीघोषणा करण्यात आली असून, समितीच्या अध्यक्षपदी धडाडीचे सामाजिक कार्यकर्ते दिलीप श्रीराम कोडगिरे यांची सर्वानुमते निवड करण्यात आली आहे. या निवडीमुळे आता रेल्वेच्या लढ्याला नवी धारचढणार असल्याचे स्पष्ट झाले आहे.
राजकारण बाजूला, आता केवळ विकास!
माजी नगराध्यक्ष बाबू सावकार देबडवार यांच्या अध्यक्षतेखाली आणि ज्येष्ठ मार्गदर्शक अरुण शेठमहाजन यांच्या प्रमुख उपस्थितीत पार पडलेल्या या बैठकीत उपस्थितांचा संताप अनावर झाला होता. “रेल्वेअभावी मुखेड तालुक्याचा विकास खुंटला आहे, लोकप्रतिनिधींनी आतापर्यंत केवळ आश्वासनेदिली आहेत,” अशा तीव्र भावना यावेळी व्यक्त करण्यात आल्या. या मार्गासाठी आता कुणाच्याहीदावणीला न बांधले जाता, राजकारण बाजूला ठेवून वज्रमुठ आवळण्याचा निर्धार यावेळी करण्यातआला.
अशी आहे संघर्ष समितीची ‘फळी’
रेल्वेच्या या लढ्याला ताकद देण्यासाठी समाजातील सर्व स्तरांतील अनुभवी व्यक्तींची कार्यकारणीजाहीर करण्यात आली आहे:
प्रमुख मार्गदर्शक पदी अरुण शेठ महाजन, डॉ. माधवराव पाटील उच्चेकर, मल्लिकार्जुन एकाळे, बालाजीबंडे, विठ्ठलराव इंगळे.
सल्लागार पदी ॲड. सुनील पौळकर, डॉ. श्रावण रॅपनवाड, ॲड. विजय कोत्तापल्ले.
कार्याध्यक्ष पदी डॉ. व्यंकट माणिकराव भोसले (सुभेदार)
सचिव पदी ज्ञानेश्वर बालाजीराव डोईजड.
उपाध्यक्ष पदी दत्तात्रय चौधरी, संभाजी पाटील उंदरीकर, आसद बल्खी , श्रीमती अल्काताई चिद्रे.
सहसचिव पदी सचिन देबडवार, सुधाकर जाधव.
कोषाध्यक्ष पदी अण्णासाहेब जाहीर जुनेकर.
संघटक पदी शेखर पाटील, शिवशंकर पाटील कलंबरकर.
सहसंघटक पदी सुनील पाटील तरगुडे
प्रसिद्धीप्रमुख पदी अनिल कांबळे, बबलू मुल्ला, नामदेव श्रीमंगले, विठ्ठल पाटील येवतीकर.
सदस्य पदी संजय मुक्कावार, सुभाष जांभळीकर, शादुल होनवडजकर, संजय यलमवाड, गोविंद वाडेकरयांची निवड करण्यात आली.
“लढा आता घराघरांत पोहोचणार”
यावेळी बोलताना नवनियुक्त अध्यक्ष दिलीप कोडगिरे यांनी ठणकावून सांगितले की, “हा लढा केवळकागदोपत्री न राहता तो रस्त्यावर येईल. पहिल्या टप्प्यात आम्ही लोकप्रतिनिधींना भेटून आमची भूमिकामांडू, मात्र जर शासनाने आमच्या न्याय्य मागणीकडे दुर्लक्ष केले, तर संपूर्ण तालुक्यात तीव्र जनआंदोलनउभे केले जाईल. रेल्वे मिळेपर्यंत आता माघार नाही!”
या बैठकीस नामदेव जाधव, हरिदास सूर्यवंशी, मारुती जांभळीकर, पद्माकर पाटील यांच्यासह शेकडोकार्यकर्ते आणि नागरिक मोठ्या संख्येने उपस्थित होते. या समितीच्या स्थापनेमुळे रेल्वेच्या मागणीलाआता एक संघटित आणि आक्रमक स्वरूप प्राप्त झाले आहे.
