पवन जगडमवार यांच्या वाढदिवसानिमित्त बालगृहातील चिमुकल्यांना मिळाली शिवविचारांची शिदोरी!
▫️अनाथांच्या चेहऱ्यावरील हास्य हीच माझ्यासाठी वाढदिवसाची खरी भेट; ‘शिवाजी कोण होता’ पुस्तक देऊन महाराजांच्या विचारांची दिली शिदोरी!
नांदेड प्रतिनिधी:- श्रमिक एकता न्यूज़ १६ मे २६
सध्याच्या काळात वाढदिवसावर लाखो रुपयांची उधळपट्टी करून फ्लेक्सबाजी आणि डीजेचा बडेजावकरण्याचे फॅशन झाले असताना, नांदेडमध्ये मात्र एका आगळ्यावेगळ्या आणि स्तुत्य उपक्रमाने देशोन्नतीचे उपसंपादक कॉम्रेड पवन जगडमवार यांनी वाढदिवस साजरा करून सामाजिक बांधिलकीचानवा आदर्श घालून देण्यात आला आहे. नांदेड शहरातील ‘सुमन मुलींचे बालगृह‘ येथील अनाथ आणि निरागस लहान बहिणीं सोबत केक कापून आणि त्यांना छत्रपती शिवाजी महाराजांच्या विचारांची शिदोरी देऊन हा वाढदिवस साजरा करण्यात आला.
जगडमवार म्हणाले बालगृहातील चिमुकल्या बहिणींच्या हस्ते केक कापताना मिळणारा आनंद आणि त्यांच्या निरागस चेहऱ्यांवरील हास्य हीच माझ्या वाढदिवसाची खरी आणि अनमोल भेट आहे, अशी भावना यावेळी व्यक्त करण्यात आली. केवळ केक कापून न थांबता वाढदिवसाचे औचित्य साधून बालगृहातील सर्व लहान बहिणींना पोटभर भोजन देण्यात आले. तसेच त्यांच्या भावी आयुष्याला योग्यदिशा मिळावी आणि त्यांच्यात राष्ट्रभक्तीची भावना निर्माण व्हावी, या उद्देशाने ‘शिवाजी कोण होता’ हे विचारप्रवर्तक पुस्तक भेट म्हणून देण्यात आले. छत्रपती शिवाजी महाराजांचे विचार या बहिणींच्याआयुष्यात नक्कीच नवी प्रेरणा देतील, अशी सदिच्छा यावेळी व्यक्त केली गेली.
या कौतुकास्पद आणि संवेदनशील उपक्रमाच्या वेळी ‘सुमन मुलींच्या बालगृहाचे‘ संचालक अनिलदिनकर, एआयएसएफ (AISF) चे राज्यउपाध्यक्ष कॉम्रेड प्रसाद गोरे, कॉ. भारत पवार, कॉ. प्रेम धोंगडे, कॉ. आकाश राठोड, एनएसयूआय (NSUI) चे प्रदेश महासचिव किरण पडलवार, एसएफआय (SFI) याविद्यार्थी संघटनेचे कॉ. सुनील तलवारे, कॉ. माधव कुदळे आदींसह विविध क्षेत्रांतील तरुण आणिकार्यकर्ते मोठ्या संख्येने उपस्थित होते.
समाजातील उपेक्षित घटकांना सोबत घेऊन साजरा करण्यात आलेल्या या वाढदिवसाचे आणि याअनोख्या उपक्रमाचे सध्या नांदेड शहर व सोशल मीडियावरून कौतुक होत आहे.
