मुखेड प्रतिनिधी:-
शहरातील वासुदेव गल्लीतील रहिवासी असलेले दोन युवकांच्या मोटारसायकलला सावरगाव पी. परिसरात अज्ञात वाहनाच्या धडकेत अपघात होवून यातील एकजण जागीच ठार झाला आहे तर एक जण किरकोळजखमी झाला आहे.
दि.२३ फेब्रुवारी रोजी वासुदेव गल्लीतील रहिवासी नागेश कुमार कुंभारकर (४०) आणि माधव धुमाळ (३०) हे दोघेजण मोटारसायकल क्रमांक एम. एच. २२ ए.आर. ८७४५ वर अहमदपूरहुन नातलगाचे अंत्यसंस्कारकरुन मुखेडकडे येत होते. सदर मोटारसायकलला सावरगाव (पी) परिसरात अपघात झाला. या अपघातातनागेश कुमार कुंभारकर यांचा जागीच मृत्यू झाला आहे तर माधव धुमाळ हे किरकोळ जखमी झाले आहेत. नागेश कुंभारकर यांना जखमी अवस्थेत मुखेड उपजिल्हा रुग्णालय येथे आणले असता डॉक्टरांनी त्यांना मृतघोषित केले. अपघात नेमका कसा झाला याबाबत काहीही माहिती कळू शकली नाही. या प्रकरणी वृत्तलिहीपर्यंत पोलीस स्टेशनमध्ये कुठल्याही गुन्ह्याची नोंद झाली नव्हती. दरम्यान तालुक्यात फेब्रुवारीमहिन्यात ११ अपघात झाले असून ८ ते ९ व्यक्तींनी मोटारसायकल अपघातात आपला जीव गमावला आहे.
