▫️प्रशासनाच्या दुर्लक्षामुळे वृद्ध आणि लहान मुलांचे प्रचंड हाल; प्रवाशांना विकतचे पाणी घेण्याची वेळ.
मुखेड (प्रतिनिधी): ४ मार्च २६
राज्यात उन्हाचा पारा दिवसेंदिवस वाढत असताना मुखेड बसस्थानकात मात्र प्रवाशांना पिण्याच्यापाण्यासाठी वणवण भटकण्याची वेळ आली आहे. बसस्थानकाच्या भिंतीवर मोठ्या अक्षरात ‘पिण्याचे पाणी‘ असे फलक लावण्यात आले असले, तरी प्रत्यक्षात मात्र तिथे थेंबभरही पाणी उपलब्ध नसल्याचे धक्कादायक वास्तव समोर आले आहे.
सध्या मार्च महिना सुरू असून उन्हाची तीव्रता प्रचंड वाढली आहे. मुखेड हे तालुक्यातील मुख्य केंद्र असल्याने येथून दररोज हजारो प्रवासी वेगवेगळ्या गावांत प्रवास करतात. यामध्ये वयोवृद्ध नागरिक, महिला आणि लहान मुलांची संख्या मोठी असते. मात्र, बसस्थानकात पिण्याच्या पाण्याची सोय नसल्यानेया प्रवाशांना भर उन्हात पाण्यासाठी खासगी दुकानदारांकडे धाव घ्यावी लागत आहे.
बसस्थानकात पिण्याच्या पाण्यासाठी बांधलेले नळ आणि टाक्या कोरड्या ठाक पडल्या आहेत. ‘पिण्याचे पाणी‘ असे नाव लिहून केवळ औपचारिकता पूर्ण करण्यात आली आहे. अनेक प्रवाशांनी संताप व्यक्त केला की, “जर पाणी उपलब्ध करून देता येत नसेल, तर किमान तसे फलक तरी लावूनयेत, जेणेकरून प्रवाशांची दिशाभूल होणार नाही.”
बसस्थानकात तातडीने शुद्ध आणि थंड पिण्याच्या पाण्याची सोय करावी.
पाणीपुरवठा करणाऱ्या यंत्रणेची नियमित देखभाल करण्यात यावी.
उन्हाळा संपेपर्यंत पाण्यासाठी तात्पुरत्या स्वरूपात ‘पाणपोई‘ सुरू करावी.
मुखेड आगाराच्या व्यवस्थापनाने याकडे गांभीर्याने लक्ष देऊन प्रवाशांची ही गैरसोय तात्काळ दूर करावी, अन्यथा प्रवाशांच्या रोषाला सामोरे जावे लागेल, असे चित्र सध्या दिसत आहे.
“आम्ही लांबून येतो, सोबत लहान मुलं असतात. बसस्थानकात आल्यावर पाणी मिळेल अशी अपेक्षाअसते, पण इथे आल्यावर नळाला पाणीच नसते. गरिबांनी प्रत्येक वेळी २० रुपयांची पाण्याची बाटलीकशी विकत घ्यायची?”
प्रवाशांची प्रतिक्रिया
