मुखेड प्रतिनिधी:श्रमिक एकता न्यूज़ २४ एप्रिल २६
पत्रकारिता हे केवळ क्षेत्र नसून ती एक सामाजिक जबाबदारी आहे, हे आपल्या कृतीतून सिद्ध करणारे व्यक्तिमत्व म्हणजे संजय अण्णा कांबळे. मुखेड तालुका मराठी पत्रकार संघाचे संघटक आणि ‘दैनिक हिंदूसम्राट’चे तालुका प्रतिनिधी म्हणून कार्यरत असणारे संजय अण्णा आज आपला वाढदिवस साजरा करत आहेत. त्यानिमित्ताने त्यांच्या अष्टपैलू प्रवासाचा घेतलेला हा छोटासा आढावा…
गेल्या अनेक वर्षांपासून संजय अण्णा ‘दैनिक हिंदूसम्राट’च्या माध्यमातून जनसामान्यांचे प्रश्न प्रशासनापर्यंत पोहोचवत आहेत. समाजातील वंचित घटकांना न्याय मिळवून देणे असो किंवा तालुक्याच्या विकासावर प्रकाशझोत टाकणे असो, अण्णांची लेखणी नेहमीच सत्याची बाजू मांडत आली आहे. पत्रकारितेतील त्यांचे अनुभव आणि कामाचा आवाका मोठा असल्यानेच आज ते मुखेड तालुका मराठी पत्रकार संघात ‘संघटक’म्हणून महत्त्वाची धुरा सांभाळत आहेत.
केवळ बातम्या लिहिणे एवढ्यापुरते मर्यादित न राहता, तालुक्यातील पत्रकारांना एकत्र गुंफण्याचे काम अण्णांनी केले आहे. पत्रकार संघाच्या माध्यमातून पत्रकारांच्या समस्या सोडवणे आणि संघटनेला बळकटी देणे यासाठी त्यांचे योगदान मोलाचे आहे. त्यांच्याकडे असलेल्या संघटक कौशल्यामुळेच आज पत्रकार संघ एकजुटीने काम करत आहे.
संजय अण्णा केवळ एक पत्रकार नाहीत, तर ते अनेकांचे ‘अण्णा’ आणि आमचे जिवलग मित्र आहेत. स्वभावातला साधेपणा, दुसऱ्याच्या मदतीला धावून जाण्याची वृत्ती आणि सदैव हसतमुख चेहरा ही त्यांची खरी ओळख. संकटाच्या काळात मित्रांच्या पाठीशी खंबीरपणे उभे राहणारा एक आधारवड म्हणून त्यांच्याकडे पाहिले जाते.
आज त्यांच्या वाढदिवसानिमित्त मुखेड तालुक्यातील राजकीय, सामाजिक आणि शैक्षणिक क्षेत्रातील मान्यवरांकडून त्यांच्यावर शुभेच्छांचा वर्षाव होत आहे. अण्णांनी आजवर जो लोकसंग्रह जोडला आहे, तीच त्यांच्या आयुष्याची खरी कमाई आहे.
संजय अण्णा, आपल्याला उदंड आयुष्य लाभो! तुमच्या लेखणीची धार अशीच कायम राहो आणि तुमच्या हातून समाजाची सेवा सदैव घडत राहो, हीच ईश्वरचरणी प्रार्थना.
शुभेच्छुक: आसद इब्राहिम बल्खी
(संपादक: श्रमिक एकता न्यूज) व सर्व मित्र परिवार, मुखेड.
