मुखेड प्रतिनिधी
इयत्ता बारावी परिक्षेचा निकाल दि.५ मे रोजी दुपारी बोर्डाच्या अधिकृत संकेत स्थळावर जाहीर झाला. यामध्ये मुखेड तालुक्याचा बारावीचा निकाल ९५.२० टक्के लागला असल्याची माहिती मुखेड तालुक्याचे गटशिक्षणाधिकारी कैलास होनधरणे यांनी दिली.
मुखेड तालुक्यात २ हजार ३८४ मुले व १ हजार ६४१ मुली असे एकुण ४ हजार २५ विद्यार्थी व विद्याथीर्नी परिक्षेसाठी बसले होते. त्यापैकी २ हजार २३३ मुले तर १ हजार ५९९ मुली असे एकुण ३ हजार ८३२ विद्यार्थी उत्तीर्ण झाले. सर्व उत्तीर्ण विद्यार्थ्यांचे सर्वस्तरातुन अभिनंदन व कौतुक होत आहे.
तालुक्यात एकुण १० केंद्रावर बारावीच्या परिक्षा घेण्यात आल्या होत्या. या परिक्षा कॉपीमुक्त वातावरणात होण्यासाठी तहसिलदार राजेश जाधव, गटविकास अधिकारी सी.एल.रामोड, गटशिक्षण अधिकारी कैलास होनधरणे, परिक्षक बाळासाहेब कदम, सायलु करेवाड यांच्यासह शिक्षण विस्तार अधिकारी, कर्मचारी यांनी परिश्रम घेतले होते. सर्व उत्तीर्ण गुणवंत विद्यार्थ्यांचे अभिनंदन होत आहे
