नांदेड जि.प.उपमुख्यकार्यकारी अधिकारी मुक्कावार यांच्यासह २० जणांवर फसवणुकीचा गुन्हा दाखल

आरटीआय कार्यकर्ता शेख मकसूद शेख अहेमद लोहगांवकर यांनी न्यायालयात दाखल केली होती याचिका 

नांदेड प्रतिनिधी:- 

बिलोली पंचायत समिती अंतर्गत येणाऱ्या कोठा ग्रामपंचायत मध्ये शासनाच्या विविध घरकुल योजनेचेलाभार्थी घरकुलाचे बांधकाम करीत आहेत तर दुसरीकडे कुठलेही घरकुलाचे बांधकाम न करता शासनाच्या डोळ्यात धूळ झोकून सरपंच, ग्रामसेवक, इंजिनिअर, लेखाधिकारी, गटविकास यांच्या संगनमताने बिना घरकुलाचे बांधकाम करता प्रत्येक लेव्हलचे बनावट प्रमाणपत्र सादर करून बोगस(घरकुल लाभार्थ्यांनी शासनाच्या निधीची उचल केल्याचा धक्कादायक प्रकार बिलोली पंचायत समितीअंतर्गत येणाऱ्या कोठा ग्रामपंचायतमध्ये झाल्याने अधिकाऱ्यासह २० जणांवर फसवणूकीचा गुन्हा करण्यात आला आहे 

नांदेड–बिलोली तालुक्यातील कोठा येथील बारा लाभाथ्यर्थ्यांनी पूर्वीचे जुने पक्के घर असतानाही प्रधानमंत्री आवास योजनेच्या यादीत नियमबाह्यरित्या आपल्या नावाचा समावेश केला. घरकुलाचे बांधकाम न करताचप्रत्येकी १ लाख २० हजाराचे बील उचलले. बोगस घरकुलाचे बिल १४ लाख ४० हजार रुपये मंजूर करणारेसरपंच, ग्रामसेवक, इंजिनिअर, लेखाधिकारी, गटविकास अधिकाऱ्यासह २० जणांवर फसवणूकीचा गुन्हा कुंडलवाडी पोलिसांनी दाखल केला आहे. हा गुन्हा न्यायालयाच्या आदेशानुसार दाखल करण्यात आला आहे. हा गैरव्यवहार २०२० मध्ये घडला आहे. अटक होण्याच्या भितीपोटी बिलोलीचे तत्कालीन गटविकास अधिकारी व सध्याचे जिल्हा परिषद चे उपमुख्यकार्यकारी अधिकारी राजकुमार मुकावार हे फरार झाले आहेत. 

पंतप्रधान आवास योजने अंतर्गत बिलोली तालुक्यातील कौठा या गावातील दारिद्रय रेषेखालील लाभार्थ्यांना घरकुल मंजूर करण्यात आले. घरकुल मंजूर झालेल्या लाभार्थी १२ जणांनी घरकुलाचे बांधकाम न करताच अधिकाऱ्यांशी संगनमत करून बील उचलून शासनाची फसवणूक केल्याची तक्रार आरटीआय कार्यकर्ता शेख मकसूद शेख अहेमद लोहगांवकर यांनी बिलोली न्यायालयात फौजदारी अर्ज क्रमांक २२७/२०२५ दाखल करुन दोषीविरुध्द फसवणूक, अधिकाराचा गैरवापर, अपहार केल्याचा गुन्हा दाखल करण्याची मागणी केली.

न्यायालयानेया प्रकरणी कुंडलवाडी पोलिसांना भारतीय दंड संहितेच्या कलम ४२०,४६५,४६७,४६८,४७१, ३४प्रमाणे गुन्हा दाखल करण्याचे आदेश दिले. कुंडलवाडी पोलिसांनी लाभार्थी संभाजी गंगाराम साखरे, नारायण गंगाधर साखरे, हनमाबाई विठ्ठल साखरे, सदाशिव गंगाधर साखरे, विरभद्र माधवराव साखरे, चंद्रकांत नागनाथ चेंडे, शंकर भगवंता खरबळे, दत्ताहरी नागनाथ चेंडे, यादव अमृता गायकवाड, शिवाजीलालप्पा साखरे, राम गंगाधर मेघे, शामराव शंकर साखरे सर्व राहणार कौठा ता. बिलोली यांनी घरकुलाचे बांधकाम न करताच विल उचलून शासनाची फसवणूक केली.

घरकुल लाभाथ्यांशी आर्थिक संगनमत करुन तत्कालीन ग्रामसेवक विठ्ठल गंगाधर वडजे, तत्कालीनग्रामसेवक प्रदीप कोकरे, तत्कालीन सरपंच गोदावरीबाई शंकर चेंडे, तत्कालीन सरपंच प्रकाश नागोराव साखरे, तत्कालीन गृहनिर्माण अभियंतापंचायत समिती बिलोली सचिन प्रकाश राव भद्रे, बिलोली पंचायत समिती तत्कालीन सहाय्यकलेखाधिकारी दिलीप बळीराम चाँडे, तत्कालीन गटविकास अधिकारी प्रकाश वसंतराव नाईक व तत्कालीनगटविकास अधिकारी राजकुमार मुकावार यांनी बोगस घरकुल बिल मंजूर करून शासनाची १४ लाख ४०हजार रुपयांची फसवणूक केल्याप्रकरणी कुंडलवाडी पोलिस ठाण्यात या सर्वांविरुध्द गुरंन ६१/२०२५प्रमाणे दाखल करण्यात आला आहे. हा गैरव्यवहार सन २०२० मध्ये घडला असल्याचे फिर्यादीने नमुद केलेआहे.

या प्रकरणी पोलिसांनी ५ एप्रिल २०२५ रोजी गुन्हा दाखल करुन आरोपींना अटक करण्याची मोहिम हातीघेतली आहे. या प्रकरणाचा तपास सहाय्यक पोलिस निरीक्षक शिंदे हे करीत आहेत. अद्यापर्यंत कोणालाहीअटक करण्यात आली नसल्याचे पोलिसांनी सांगितले. बिलोलोलीचे तत्कालीन गटविकास अधिकारीराजकुमार मुकावार यांची पदोन्नती नांदेड जिल्हा परिषदेच्या सामान्य प्रशासन विभागाचे उपमुख्य कार्यकारीअधिकारी म्हणून झालेली आहे. गेल्या दोन वर्षापासून मुक्कावार हे नांदेड जि.प. उपमुख्य कार्यकारीपदावरविराजमान आहेत. पोलिसांनी अटकेची कारवाई सुरु करताच उपमुख्य कार्यकारी अधिकारी मुकावार हेगेल्या दोन दिवसापासून सदर प्रकरणात मा. न्यायालयात माहिती अधिकार कार्यकर्ते  मकसूद पटेललोहगावकर यांची बाजू अँड ए. बी. शाहरुख यांनी मांडली आहे.