नांदेड परिक्षेत्रात पोलिसांची धडक कारवाई; किनवटमध्ये जुगार अड्ड्यावर छापा, एकाच दिवसात ५४ लाखांचा मुद्देमाल जप्त
किनवट प्रतिनिधी:- श्रमिक एकता न्यूज़ १८ मे २६
नांदेड परिक्षेत्रात सध्या अवैध व्यवसायांविरुद्ध विशेष मोहीम तीव्र करण्यात आली असून या मोहिमेच्या सोळाव्या दिवशी पोलीस उप महानिरीक्षक यांच्या विशेष पथकाने किनवट येथे सुरू असलेल्या मोठ्याजुगार अड्ड्यावर छापा टाकून धडक कारवाई केली आहे. दिनांक १ ते ३१ मे २०२६ दरम्यान राबविल्या जाणाऱ्या या अवैध व्यवसाय विरोधी मोहिमेदरम्यान परिक्षेत्रात गेल्या २४ तासांत विविध अवैध धंद्यांवरतब्बल १०३ गुन्हे दाखल करण्यात आले असून १२६ इसमांविरुद्ध कायदेशीर कारवाई करण्यात आली आहे. या सर्व कारवायांमध्ये पोलिसांनी एकूण ५३,९३,११२ रुपयांचा मुद्देमाल जप्त केला आहे.
या मोहिमेत नांदेड जिल्ह्यातील किनवट पोलीस ठाणे हद्दीतील दत्तनगर गोकुंदा येथे ‘तिर्रट‘ नावाचा जुगारखेळला जात असल्याची खात्रीशीर माहिती मिळाल्यावरून पोलीस उप महानिरीक्षक यांच्या अधिपत्याखालील पथकाने तेथे छापा टाकला. या कारवाईत पोलिसांनी जुगार खेळणाऱ्या ९ इसमांनारंगेहात पकडून त्यांच्याविरुद्ध गुन्हा दाखल केला असून त्यांच्याकडून रोख रकमेसह ३,८८,९०० रुपयांचामुद्देमाल हस्तगत केला आहे. या धडक कारवाईसोबतच परिक्षेत्रात इतर ठिकाणीही अवैध धंद्यांवर मोठे प्रहार करण्यात आले आहेत. यात बेकायदेशीर गुटखा विक्री करणाऱ्या २ इसमांविरुद्ध कारवाई करूनत्यांच्याकडून १,०८,९९० रुपयांचा मुद्देमाल जप्त करण्यात आला आहे, तर मटका आणि जुगार खेळणाऱ्या व खेळविणाऱ्या एकूण ३३ इसमांविरुद्ध महाराष्ट्र जुगार कायद्याअंतर्गत १२ गुन्हे दाखल करून ११,८६,३९० रुपयांचा मुद्देमाल जप्त करण्यात आला आहे.
तसेच अवैध दारू विक्री करणाऱ्या ७९ इसमांविरुद्ध ७८ गुन्हे दाखल करून ८,०४,२४६ रुपयांची दारू वइतर साहित्य जप्त करण्यात आले आहे. पर्यावरणाची हानी करणाऱ्या अवैध वाळू उपसा करणाऱ्यांवरही पोलिसांनी कडक पावले उचलली असून त्यांच्याविरुद्ध २ गुन्हे दाखल करून ३०,१५,००० रुपयांचा मुद्देमाल जप्त केला आहे. या सर्व कारवायां सोबतच शस्त्र अधिनियमान्वये ३, कोटपा अन्वये ६ आणि इतर कायद्यांखाली एकूण कारवायांचा आकडा १०३ वर पोहोचला असून यात निष्पन्न झालेल्या सर्वआरोपींकडून एकूण ५३ लाख ९३ हजार ११२ रुपयांचा मुद्देमाल जप्त करण्यात आला आहे.
परिक्षेत्रातील अवैध व्यवसायांची माहिती थेट पोलिसांना देता यावी आणि गुन्हेगारीला आळा घालतायावा, या दृष्टिकोनातून पोलीस उप महानिरीक्षक कार्यालयाने ९१ ५० १०० १०० हा मोबाईल क्रमांकअसलेली ‘खबर‘ नावाची विशेष हेल्पलाईन सुरू केली आहे. या हेल्पलाईनला नागरिकांचा अत्यंत वाढताआणि सकारात्मक पाठिंबा मिळत आहे. नागरिकांनी आपल्या भागातील कोणत्याही अवैध व्यवसायांचीमाहिती या क्रमांकावर फोन करून अथवा व्हॉट्सॲप मेसेजद्वारे पाठवावी, असे आवाहन पोलीस उपमहानिरीक्षक श्री. शहाजी उमाप यांनी केले असून माहिती देणाऱ्याचे नाव पूर्णपणे गुप्त ठेवले जाईलअसेही पोलीस उप महानिरीक्षक कार्यालय, नांदेड परिक्षेत्राकडून सांगण्यात आले आहे.
