गॅस सिलिंडर घेऊन घरी परतताना काळाचा घाला; ‘छोटा हत्ती’च्या धडकेत मंग्याळ येथील पित्याचा जागीच मृत्यू, मुलगा गंभीर!
मुखेड प्रतिनिधी:- श्रमिक एकता न्यूज़ जून २६
मुखेड तालुक्यातील मंग्याळ येथील पिता–पुत्रांवर काळाने घाला घातल्याची दुर्दैवी घटना दि. २ जून रोजी घडली आहे. स्वयंपाकाचा गॅस संपल्याने नवीन गॅस सिलिंडर घेण्यासाठी मुखेडकडे आले व सदरील गॅससिलेंडर घेऊन जात असताना दुचाकी व छोटा हत्ती यांचा आमने–सामने झालेल्या अपघातात वडिलांचा मृत्यू झाला असून मुलगा गंभीर जखमी झाला आहे. मिळालेल्या माहितीनुसार, मंग्याळ येथील राहुल श्रावण सोनकांबळे (वय ४०) व त्यांचा मुलगा जितेंद्र राहुल सोनकांबळे (वय १५) हे दोघे मोटरसायकलने स्वयंपाकासाठी गॅस सिलिंडर घेण्यासाठी मुखेड येथे आले व गॅस सिलेंडर घेऊन गावाकडे जात असताना मुखेड जवळील दबडे शिरूर पाटी परिसरात त्यांच्या दुचाकीला एका छोटा हाती यांची जोरदार धडकबसली. या भीषण अपघातात राहुल सोनकांबळे गंभीर जखमी झाले. नागरिकांच्या मदतीने त्यांनातातडीने उपचारासाठी रुग्णालयात दाखल करण्यात आले. मात्र, वैद्यकीय अधिकाऱ्यांनी तपासणी अंतीत्यांना मृत घोषित केले. या घटनेमुळे मंग्याळ परिसरात हळहळ व्यक्त होत आहे. अपघातात जखमी झालेला त्यांचा मुलगा जितेंद्र याच्यावर प्राथमिक उपचार करून पुढील उपचारासाठी नांदेड येथे हलविण्यात आले आहे. त्याची प्रकृती चिंताजनक असल्याची माहिती मिळत आहे. दरम्यान, जखमींवर उपचार करताना डॉ. उमाकांत गायकवाड, डॉ. शोभा देवकते, परिचारिका तुळशी नाईक व कदम सिस्टरयांनी तत्पर सेवा बजावली. या अपघाताची माहिती मिळताच नातेवाईक व ग्रामस्थांनी रुग्णालयात धाव घेतली. एका कुटुंबाचा आधारवड हरपल्याने मंग्याळ गावावर शोककळा पसरली असून जखमी मुलगालवकर बरा व्हावा यासाठी सर्वत्र प्रार्थना केली जात आहे. पोलिसांकडून अपघाताचा पुढील तपास सुरू आहे.
