संतापजनक! ६ वर्षीय बालिकेवर २२ वर्षीय तरुणाचे लैंगिक अत्याचार, मुखेड हादरलं
नांदेड प्रतिनिधी:- ८ नोव्हेंबर २५
मुखेड शहरा मध्ये एका ६ वर्षीय बालिकेवर २२ वर्षीय तरुणाने लैंगिक अत्याचार केल्याची संतापजनक घटना घडली. या प्रकरणी पोलिसांनी संशयित आरोपीला अटक केली आहे. या संशयिताला फाशीची शिक्षा देण्यात यावी, अशी मागणी संतप्त नागरिकांकडून होत आहे. हे प्रकरण जलदगती न्यायालयात चालवण्यासाठी प्रयत्न करणार असल्याची माहिती देगलूरचे पोलीस उपअधीक्षक संकेत गोसावी यांनी दिली.
सविस्तर माहिती अशी की ,खंडोबा गल्लीत आपल्या अजीकडे राहणारी अल्पवयीन मुलगी ट्युशनवरुन घरी परतत होती. त्यावेळी नारलावार गल्लीत राहणारा २२ वर्षीय आरोपी ओंकार डाकुरवार हा तरुण तेथे उपस्थित होता. आरोपीत्याच्या बांधकाम सुरु असलेल्या घरात मुलीला घेऊन गेला आणि तिच्यावर लैंगिक अत्याचार केला.
पोलिसांनी दिलेल्या माहितीनुसार, आरोपी ओमकार डाकूरवार याला पोलीसांनी तातडीने अटक केली. पीडित बालिका खाजगी क्लासेसवरुन घरी जात असताना आरोपी ओमकार डाकुरवार याने तिला बळजबरीने उचलून बांधकाम सूरू असलेल्या घरी नेले. तिथे या चिमुकलीवर अत्याचार केले. दरम्यान याघटनेच्या निषेधार्थ नागरिकांनी मुखेड पोलीस ठाण्यावर मुक मोर्चा काढला.
यावेळी ठाण्यात नागरिकानी ठिय्या केला. हा खटला जलद गती न्यायालयात चालवावा, आरोपीला फाशीची शिक्षा द्यावी अशी मागणी नागरिकानी केली. दरम्यान तीन दिवसात प्रकरणाचा तपास करून दोषारोपपत्र न्यायालयात सादर करणार असल्याचे पोलीस अधिकऱ्याने सांगितले.
पीडित मुलीवर नांदेड येथील रुग्णालयात उपचार सुरू आहेत. तिची प्रकृती सध्या स्थिर आहे. आरोपीला अटक करण्यात आली आहे. हे प्रकरण जलदगती न्यायालयात चालवण्याचे प्रयत्न सुरू आहेत, अशी माहिती देगलूरचे पोलीस उपअधीक्षक संकेत गोसावी यांनी दिली. हा खटला जलदगती न्यायालयात चालवण्यात यावा आणि आरोपीला कठोर शिक्षा करण्यात यावी, अशी मागणी खासदार रवींद्र चव्हाण व मुखेड सखल समाज आणि राष्ट्रीय अल्पसंख्याक परिषद नांदेड या सामाजिक संघटने च्या वतीने करण्यात आली आहे.
