मुखेड प्रतिनिधी:- ता.२९
मुखेड ते केरुर रस्त्यावरील तांदळी फाट्याजवळील उतारावर दोन दुचाकीची समोरासमोर धडक झाली. या अपघातात अॅड. राहुल चंद्रकांत सोनकांबळे वय ४१ वर्ष हे जागीच ठार झाला, तर अन्य तिघे जखमी झाले. पैकी एकाची प्रकृती चिंताजनक असून जखमींना नांदेडला हलविण्यात आले आहे. ही घटना बुधवारी रात्री ८ वाजेच्या सुमारास घडली आहे . दुचाकी क्रमांक एम. एच. २६ सी. एस. ६६५१ मुखेड येथून केरुरकडे जात असताना समोरुन आलेल्या दुसऱ्या दुचाकीची समोरासमोर धडक झाली. त्यात राहुल सोनकांबळे यांच्या डोक्याला गंभीर दुखापत झाल्याने यांचा जागीच मृत्यू झाला. मृतक राहुल सोनकांबळे हे घरचे ते एकच कमवते होते त्यांना आई ,वडील ,पत्नी ,दोन मुली आहे.
तर लक्ष्मण नारायण वाघमारे (वय २६), साईनाथ काशीनाथ वाकोडे (वय २५) व गौतम पिराजी वाघमारे (वय २६) सर्व रा. तांदळी हे जखमी झाले.
त्यांच्यावर मुखेड येथील उपजिल्हा रुग्णालयात डॉ. बालाजी गरुडकर यांनी प्रथमोपचार केले.
पोलिस निरीक्षक लक्ष्मणराव केंद्रे यांनी अपघात स्थळी भेट दिली असून या प्रकरणी गुन्हा नोंदवण्याची प्रक्रिया सुरू होती
