नांदेड हादरले! गँगवारमधून तिघांची निघृण हत्या; शासकीय रुग्णालयात घुसून हल्लेखोरांचा थरार
▫️ई-स्क्वेअर परिसरात एकाचा खून, तर रुग्णालयात उपचार घेणाऱ्या दोघांना संपवले; शहरात दहशतीचे वातावरण
नांदेड (प्रतिनिधी): श्रमिक एकता न्यूज (०४ एप्रिल २०२६
नांदेड शहरात आज गँगवारने पुन्हा एकदा डोके वर काढले असून, शनिवारी दोन वेगवेगळ्या ठिकाणी झालेल्या हल्ल्यांत तिघांची निघृण हत्या करण्यात आली. शहरातील ई–स्क्वेअर परिसरात एकाची धारदार शस्त्राने वार करून, तर शासकीय रुग्णालयात उपचार सुरू असलेल्या दोघांची चाकूने वार करूनहत्या करण्यात आल्याने संपूर्ण जिल्ह्यात खळबळ उडाली आहे. या घटनेमुळे नांदेडच्या कायदा वसुव्यवस्थेवर गंभीर प्रश्नचिन्ह निर्माण झाले असून नागरिकांमध्ये भीतीचे वातावरण आहे.
मिळालेल्या माहितीनुसार, शहरातील कॅनाल रोडवरील ई–स्क्वेअर परिसरात वर्चस्वाच्या वादातून सय्यदआवेज, सय्यद खलील, घनश्याम रेड्डी, मोहंमद अरबाज आणि इतर अज्ञात हल्लेखोरांनी अरिजितसिंग गजानन चव्हाण (वय २५) याच्यावर जीवघेणा हल्ला केला. या हल्ल्यात अरिजितसिंग जागीच ठारझाला. या संघर्षात सय्यद आवेज आणि मोहंमद अरबाज हे दोघेही जखमी झाले होते, ज्यांना पोलिसांनी उपचारासाठी शासकीय रुग्णालयात दाखल केले होते.
अरिजितसिंगच्या हत्येचा बदला घेण्यासाठी त्याचा भाऊ चाकूघेऊन थेट शासकीय रुग्णालयात पोहोचला. दवाखान्यातील अपघात विभागाजवळ उपचार सुरूअसलेल्या सय्यद आवेज सय्यद खलील (वय २७) आणि मोहंमद अरबाज मोहंमद फारुख (वय २३)यांच्यावर त्याने सपासप वार केले. रुग्णालयासारख्या संवेदनशील ठिकाणी झालेल्या या हल्ल्यात हेदोघेही जागीच गतप्राण झाले. रुग्णालयात उपस्थित रुग्ण आणि कर्मचाऱ्यांमध्ये या थरारामुळे मोठीपळापळ झाली.
नांदेड शहरात कठोर कारवाईसाठी ओळखले जाणारे ‘सिंघम‘ अधिकारी कार्यरत असतानाही, भररस्त्यात आणि रुग्णालयात अशा प्रकारे तिहेरी हत्या घडल्याने पोलीस प्रशासनावर टीकेची झोड उठत आहे. हल्लेखोरांनी अत्यंत नियोजनबद्ध पद्धतीने हा हल्ला केल्याचे प्राथमिक तपासातून समोर येत आहे.
घटनेची माहिती मिळताच वरिष्ठ पोलीस अधिकारी तात्काळ घटनास्थळी दाखल झाले. संपूर्ण शहरात नाकेबंदी करण्यात आली असून फॉरेन्सिक पथकाकडून पुरावे संकलित केले जात आहेत. सीसीटीव्ही फुटेजच्या आधारे हल्लेखोरांचा माग काढण्यासाठी विशेष पथके तैनात करण्यात आली आहेत. जुना वादकिंवा टोळीयुद्धातून हा प्रकार घडल्याची शक्यता पोलिसांनी वर्तवली आहे.
