रुग्णसेवेचा वसा: ‘आध्या’ रुग्णालयातर्फे क्षयरोग, दमा आणि न्यूमोनियासाठी मोफत तपासणीशिबिराचे आयोजन
मुखेड प्रतिनिधी:- श्रमिक एकता न्यूज़ ०७ जून २६
मुखेड येथील आध्या डायग्नोस्टिक सेंटरच्या ६ व्या वर्धापन दिनानिमित्त क्षयरोग (टीबी), दमा, न्यूमोनियाव श्वसनविकारांवरील मोफत वैद्यकीय तपासणी शिबिर मंगळवार दि. ९ जून रोजी सकाळी ९ ते दुपारी २ वाजेपर्यंत होणार आहे. आध्या डायग्नोस्टिक सेंटरचे संचालक डॉ. श्रीहरी बुडगेमवार यांच्या मार्गदर्शनाखाली हे शिबिर पार पडणार आहे. या शिबिरात हैदराबादचे प्रख्यात फुफ्फुसरोग तज्ज्ञ डॉ. मन्नेम उपेंद्र कुमार यांची उपस्थिती राहणार असून रुग्णांची तपासणी व मार्गदर्शन केले जाणार आहे. शिबिरामध्ये एलर्जी दमा, दीर्घकालीन खोकला, छातीत दुखणे, श्वास घेण्यास त्रास, झोपेत घोरणे, फुफ्फुसांमध्ये पाणी भरणे, श्वसननलिकांचे आजार, टीबी, वारंवार सर्दी–खोकला तसेच धूम्रपान, बीडी, सिगारेट व तंबाखूमुळे होणाऱ्या आजारांचे निदान व उपचाराबाबत सल्ला दिला जाणार आहे.
विशेष म्हणजे शिबिरासाठी येणाऱ्या रुग्णांना औषधे, एक्स–रे व सीटी स्कॅनवर सवलत देण्यात येणार असून ईसीजी व मधुमेह तपासणी पूर्णपणे मोफत करण्यात येणार आहे. नागरिकांनी या मोफत आरोग्य शिबिराचा लाभ घ्यावा, असे आवाहन आयोजक डॉ. श्रीहरी बुडगेमवार याच्यावतीने करण्यात आले आहे.
