काँग्रेस स्थानिक स्वराज्य संस्था निवडणूक ताकतीने लढवणार-माजी आ.हणमंतराव पाटील बेटमोगरेकर
▫️शेर अगर बूढ़ा हो जाए तो ये मत समझो वो शिकार करना भूल गया :- बेटमोगरेकर
मुखेड प्रतिनिधी:- १५ ऑक्टोबर
काँग्रेस मित्रपक्ष, वंचित व समविचारींना सोबत घेऊन स्थानिक स्वराज्य संस्था निवडणुक पूर्णताकतीनिशी लढविणार असल्याचे प्रतिपादन काँग्रेस जिल्हाध्यक्ष माजी आ. हणमंतराव पाटील बेटमोगरेकर यांनी मुखेड येथील काँग्रेस आढावा बैठकीत केले.
मुखेड शहर व काँग्रेस कमिटी कडून स्थानिक स्वराज्य संस्था निवडणूक, वोट चोर स्वाक्षरी मोहीम आणि पदवीधर मतदार नोंदणी या विषयावर मोंढ्यातील काँग्रेस पक्ष कार्यालय काँग्रेस भवन मध्ये एक आढावाबैठक आयोजित करण्यात आली होती तर डॉ. बाबासाहेब आंबेडकर स्मारकाजवळ वोट चोरी बद्दलस्वाक्षरी मोहीम राबविण्यात आली. त्या बैठकीचे अध्यक्षस्थानी माजी आ. हनुमंतराव पाटील बेटमोगरेकरहे होते तर प्रदेश सरचिटणीस डॉ.श्रावण रॅपनवाड, ज्येष्ठ नेते शिवलिंगराव पाटील कामजळगेकर, तालुकाध्यक्ष राजीव पाटील रावणगावकर कार्याध्यक्ष संभाजी पाटील उंदरीकर, शहराध्यक्ष हनुमंत नारनाळीकर यांची प्रमुख उपस्थिती होती. बैठकीत अनेक कार्यकर्त्यांची मते जाणून घेऊन हनुमंतराव पाटील यांनी वोट चोरी, पदवीधर मतदार नोंदणी यासह आगामी काळातील नगरपालिका जिल्हा परिषदपंचायत समिती निवडणुकी बद्दल सविस्तर मार्गदर्शन केले.ते म्हणाले की या सर्व निवडणुकीत निष्ठावान कार्यकर्त्यांना संधी देऊन पक्ष पूर्ण ताकतीने न्याय देण्याची भूमिका बजावेल. येणाऱ्या निवडणुकीत वंचीत बहुजन आघाडी सोबत आघाडी होईल याबाबत वरीष्ठ स्थरावर बोलणी चालु असुन मनुवादी भाजपाला पराभूत करण्यासाठी सर्व कार्यकर्त्यांनी एकजुटीने कार्यरत रहावे असे आवाहन केले याआढावा बैठकीनंतर पत्रकार परिषदेत जिल्हाध्यक्ष तथा माजी आमदार हणमंतराव पाटील बेटमोगरेकरांनी काँग्रेसची भुमिका विशद केली यावेळी कार्याध्यक्ष संभाजी पाटील उन्द्रीकर,जि.प.माजीसदस्य प्रकाश उलगुलवाड,दत्तात्रय चौधरी,शिवाजी गायकवाड,बाळासाहेब पुंडे,हौगीराव पाटीलनंदगावकर,वैजनाथ तिपणे,मारोती पाटील मटके,बालाजी वारे,जयप्रकाश कानगुले,रामेश्वर पाटीलइंगोले,बालाजी साबणे,अखिल येवतीकर, केतन मामडे, विशाल गायकवाड, बालाजी वाडेकर,प्रकाश निमलवाड,रमजान सौदागर,माधव हुरजळ,राजु पाटील नागरजांब, इरफान मोमीन,आसद बल्की,संजयपिल्लेवाड,विठ्ठल पंदीलवाड सह शहरातील व ग्रामीण भागातील काँग्रेसचे पदाधिकारी व कार्यकर्तेउपस्थित होते.
