नांदेडमध्ये भररस्त्यात तरुणावर चाकू हल्ला; घटनेचा थरार सीसीटीव्ही कॅमेरात कैद
दोन्ही हल्लेखोरांना परभणी येथुन ताब्यात घेण्यात आलेची माहिती
नांदेड प्रतिनिधी:-
नांदेडमध्ये गुन्हेगारीने डोकं वर काढलं आहे. गोळीबार आणि हत्येसारख्या घटना सातत्याने घडत आहेत. बुधवारी देखील नांदेडमध्ये भयंकर घटना समोर आली. सकाळच्या सुमारास दोन अज्ञात मारेकऱ्यांनीस्कुटीवर थांबलेल्या एका तरुणावर चाकूने वार करुन त्याची हत्या केली. हल्लेखोरांनी पाठलाग करततरुणाच्या मानेवर, पोटात आणि पाठीवर तब्बल दहा ते अकरा खंजर खुपसले. रक्तबंबाळ झालेल्यातरुणाचा जागीच मृत्यू झाला. दिवसाढवळ्या घडलेल्या या घटनेने शहरात खळबळ उडाली आहे.
अमोल भुजबळ हा शहरातील खोब्रागडे नगर येथील रहिवासी असून तो एका खाजगी रुग्णालयात सुरक्षारक्षक म्हणून काम करत होता. बुधवारी सकाळी सात वाजताच्या सुमारास तो स्कुटीवरून गणेशनगरभागातील एका दुकानावर सामान घेण्यासाठी आला होता. तो स्कुटीवर बसलेला होता आणि दुकानदारत्याला सामान देत होता. तो स्कुटीवरुन बसलेला असताना, काही वेळात पाठीमागून काळ्या कपड्याने तोंडझाकलेले दोघे जण धावत आले आणि अमोल बेसावध असताना याच्या मानेवर आणि पाठीवर खंजरने वारकरण्यास सुरुवात केली.
हल्लेखोरांनी चाकू मारण्यास सुरुवात केल्यानंतर अमोल तेथून पळ काढू लागला. पण हल्लेखोरांनी त्याचापाठलाग करत जवळपास आठ ते दहा वार जिथे मिळेल तिथे त्याच्या शरीरावर केले. यात अमोलचा जागीचमृत्यू झाला. अमोल भयंकर हल्ल्यानंतर तसाच रक्ताच्या थोराळ्यात रस्त्यावर पडलेल्या अवस्थेत होता. दोघांपैकी एकाने डोक्यावर हेल्मेट, तर दुसऱ्या एकाने काळा रुमाल तोंडाला बांधला होता. सकाळची वेळअसल्याने रस्त्यावर फारशी गर्दी नव्हती. त्यामुळे हल्लेखोरांनी सकाळीच त्याच्यावर बेसावधपणे भीषण वारकेले.
दिवसाढवळ्या घडलेल्या घटनेने गणेश नगर परिसरात एकच खळबळ उडाली आहे. घटनेनंतर हल्लेखोरपसार झाले. मात्र घटनेचा थरार सीसीटीव्ही कॅमेरात कैद झाला आहे. दरम्यान घटनेची माहिती मिळताचअतिरिक्त पोलीस अधीक्षक सूरज गुरव, पोलीस उपाधीक्षक सुशीलकुमार नायक, स्थानिक गुन्हे शाखेचेपोलीस निरीक्षक उदय खंडेराय यांच्यासह शिवाजीनगर पोलीस ठाण्याचे अधिकारी कर्मचाऱ्यांनीघटनास्थळी धाव घेतली. जुन्या वादातून ही हत्येची घटना घडल्याची माहिती आहे. फरार दोन्ही हल्लेखोरांना परभणी येथुन ताब्यात घेण्यात आलेची प्राथमिक माहिती
