पुणे :- ०८ जून २५
सर्वोच्च न्यायालयाने स्थानिक स्वराज्य संस्थाच्या निवडणुकी संदर्भात चार आठवड्यांत अधिसूचना जारीकरण्याच्या दिलेल्या आदेशानुसार राज्य निवडणूक आयोगाने हालचाली सुरू केल्या आहेत. प्रभागरचनेसाठी राज्य सरकारला सूचनाही दिल्या आहेत. त्यानुसार येत्या दोन दिवसात महापालिकेची प्रभागरचनेची प्रक्रिया जाहीर होण्याची शक्यता आहे.
सर्वोच्च न्यायालयाने पुढील चार महिन्यात निवडणुका घेण्याचे स्पष्ट आदेश दिले आहेत. त्यानुसार, राज्य शासनाने प्रभाग रचनेचा कार्यक्रम ठरवला असून, त्यासंबंधीचे आदेश लवकरच जाहीर केले जातील. महायुती सरकारने यंदाही चार सदस्यीय प्रभाग पद्धती लागू ठेवण्याचा निर्णय घेतला आहे.
२०१७च्या महापालिका निवडणुकीतही हीच प्रणाली वापरण्यात आली होती. आता निवडणूक आयोगाने प्रभाग रचना पूर्ण करण्याची जबाबदारी पुन्हा राज्य सरकारवर सोपवली आहे. त्यानुसार प्रभाग रचनेचीप्रक्रिया येत्या दोन दिवसांत जाहीर होण्याची शक्यता आहे.
पावसाळ्याचा कालावधी, महापालिका–जिल्हा परिषद–पंचायत समितीच्या एकत्रित निवडणुकाघेण्यासाठीची यंत्रणा या साऱ्यांचा विचार करावा लागणार आहे. त्यासाठी न्यायालयाकडे काहीकालावधीची मागणी केली जाण्याची शक्यता आहे. राज्य शासनाने चार सदस्यीय प्रभाग रचनेचे नवीनआदेश दिले, तर त्यासाठी रचना, आरक्षण, मतदार यादी तयार करणे यासाठी तीन महिन्यांचा अवधीलागणार आहे. जूनमध्ये आदेश दिले तर तेव्हापासून ऑक्टोबर पर्यंत ही प्रक्रिया होईल. त्यामुळे पुढील 45 दिवसांत म्हणजे ऑक्टोबर अखेर किंवा नोव्हेंबरच्या पहिल्या पंधरवड्यात मतदान होऊ शकते.
