∆ खंकरे यांची निष्ठावंत शिवसैनिक म्हणून तालुक्यात ओळख
मुखेड -(ता. प्रतिनिधी) २६ जून
मुखेड तालुक्यात अनेक वर्षापासून शिवसेना पक्षाचे निष्ठावंतपणे कार्य करुन वंचित घटकांना, शेतकऱ्यांना न्याय मिळवून देणारे शिवसैनिक म्हणून संपूर्ण तालुक्यात परिचित असणारे. मागील अनेक वर्षापासून ठाकरेच्या शिवसेनेची एकनिष्ठ असलेले स्वर्गवासी हिंदूह्रदयसम्राट शिवसेनाप्रमुख बाळासाहेब ठाकरे यांच्या प्रेरणेने प्रेरित होऊन ८० टक्के समाजकारण २०% राजकारण याच तत्वावर चालणारे कडवट शिवसैनिक मन्मथअप्पा खंकरे यांची मुखेड शिवसेना (उद्धव बाळासाहेब ठाकरे) विधानसभा प्रमुख पदी निवड करण्यात आली आहे.
त्यांच्या या निवडीमुळे मुखेड तालुक्यात फटाके फोडत आनंद साजरा करून त्यांना पुढील वाटचालीस शुभेच्छा दिल्या आहेत.
मन्मथ खंकरे यांनी शिवसेनेच्या माध्यमातून गेल्या अनेक वर्षांपासून पक्ष वाढीसाठी काम करून अनेक शिबीरे, शेतकरी आंदोलने, मोर्चे करून आपला पक्ष वाढीसाठी काम केले आहेत. त्याच कामाची पावती म्हणून आज त्यांना मुखेड विधानसभा प्रमुख पदी नियुक्ती पक्षप्रमुख उद्धव ठाकरे यांच्या आदेशानुसार निवड केली. या निवडीबद्दल अनेकांनी फोनवर शुभेच्छा दिल्या आहेत.
येणाऱ्या स्थानिक स्वराज्य संस्थां निवडणुकीत तालुक्यात शिवसेना (उद्धव बाळासाहेब ठाकरे) पक्षाला गतवैभव प्राप्त करून जास्तीत जास्त लोकप्रतिनिधी निवडून आणण्याचा निर्धार नुतन विधानसभा प्रमुख मन्मथअप्पा खंकरे यांनी सांगितले. यांच्या निवडीबद्दल जेष्ठ शिवसैनिक माधवराव देशमुख, लक्ष्मण कोळेकर, विरेश इंन्दुरे, ज्ञानेश्वर पांढरे, बालाजी कदम, राम कोळेकर, सुरेश औरादे, सोमनाथ बोधणे, सुनिल बेल्लेवार, सदानंद घाळे, यांच्यासह अदिंनी अभिनंदन केले..
