मुखेड | प्रतिनिधी २ जानेवारी
मुखेड शहरालगत असलेल्या उमरदरी रोडवर अज्ञात वाहनाने दुचाकीला धडक दिल्याने भीषण अपघातझाला. या अपघातात एका युवक बांधकाम कामगाराचा जागीच मृत्यू झाला असून, दुसरा युवक गंभीर जखमी झाला आहे. ही दुर्दैवी घटना दिनांक १ फेब्रुवारी २०२६ रोजी घडली.
या अपघातात १) अरमान युसुफ पठाण (वय १५, रा. फुले नगर, मुखेड) हा युवक गंभीर जखमी झाला आहे. त्याच्यावर प्रथमोपचार मुखेड उपजिल्हा रुग्णालयात करण्यात आले. प्रकृती चिंताजनक असल्याने पुढील उपचारासाठी त्याला नांदेड येथील मुख्य जिल्हा रुग्णालयात हलवण्यात आले आहे.
२) अयान साजीद शेख (वय १८, रा. वाल्मीक नगर, मुखेड) या युवकाचा मात्र अपघात स्थळीच मृत्यू झाला.
अपघाता नंतर मुखेड उपजिल्हा रुग्णालयात वैद्यकीय अधिकारी डॉ. सतीश रायकोडे व आधी परिचारिका पूजा वाघमारे यांनी जखमी युवकावर तात्काळ उपचार केले. तसेच जखमीला नांदेड येथे हलवण्यासाठी लखन पवार, कक्षसेवक माऊली धनगे, अमर सूर्यवंशी, ऋषिकेश गुट्टे व हनुमंत नागरगोजे यांनी मोलाची मदत केली.
या घटनेमुळे मुखेड शहरात हळहळ व्यक्त होत असून, अज्ञात वाहनाचा शोध घेण्यासाठी पोलिसांकडूनपुढील तपास सुरू आहे.
मुखेड पोलीस स्टेशन मध्ये आकस्मिक मृत्यूची नोंद करण्यात आली असून पुढील तपास सहाय्यकपोलीस उपनिरीक्षक जावेद शेख हे करीत आहेत.
