मुखेड विधानसभा मतदारसंघातील अधिकारी व कर्मचारी यांच्यासाठी 12 व 13 नोव्हेंबर रोजी दुसरे प्रशिक्षण
मुखेड प्रतिनिधी:-
91-मुखेड विधानसभा मतदारसंघासाठी व लोकसभा पोटनिवडणुकीसाठी होणाऱ्या निवडणुकीसाठी मतदान अधिकारी व कर्मचारी यांच्यासाठी दुसरे प्रशिक्षण 12 व 13 नोव्हेंबर 2024 रोजी जिल्हा परिषद हायस्कूल मुलींचे, मुखेड येथे दोन सत्रात ठेवण्यात आलेले आहे. यामध्ये 12 नोव्हेंबर रोजी सकाळच्या सत्रात 500 व दुसऱ्या सत्रात 500 मतदान अधिकारी व कर्मचारी यांचे प्रशिक्षण सकाळी 10 ते दुपारी 1 व दुपारी 2 ते सायंकाळी 5 या वेळेत ठेवण्यात आले आहे.
तसेच 13 नोव्हेंबर 2024 रोजी पहिल्या सत्रात 540 व दुसऱ्या सत्रात 500 मतदान अधिकारी व कर्मचारी यांचे प्रशिक्षण सकाळी 10 ते दुपारी 1 व दुपार 2 ते सायंकाळी 5 यावेळेत ठेवण्यात आलेले आहे.
91-मुखेड विधानसभा मतदार संघातील दिव्यांग व वय 85 वर्षे वरील व्यक्तीचे टपाली गृह मतदान 12 नोव्हेंबर ते 13 नोव्हेंबर 2024 रोजी होणार आहे. त्यासाठी एकूण 15 पथकाची नियुक्ती करण्यात आली आहे. तसेच दिनांक 12 ते 18 नोव्हेंबर 2024 या कालावधीतसकाळी 9 ते 5 पर्यत अधिकारी कर्मचारी यांच्या टपाली मतदानासाठी वोटींग सेंटर तहसिल कार्यालय मुखेड येथे उभारण्यात आले आहे असे 91 मुखेड विधानसभा मतदारसंघाचे निवडणूक निर्णय अधिकारी अनुप पाटील यांनी केले आहे.
