रांगोळी स्पर्धा, मोटर सायकल रॅली, महाप्रसाद, ध्वजारोहण, शिवकालीन देखाव्यासह पालखी सोहळा
मुखेड प्रतिनिधी:-
महाराष्ट्राचा आराध्य दैवत, कुळवाडी भूषण, जाणता राजा, छत्रपती शिवाजी महाराज यांच्या जन्मोत्सवा निमित्त मुखेड येथे तीन दिवसीय विविध कार्यक्रमांचे आयोजन करण्यात आले आहे.
दिनांक 17 फेब्रुवारी 2025 भव्य रांगोळी स्पर्धांचा आयोजन करण्यात आला असून या कार्यक्रमाचे अध्यक्षस्थानी भाजपा महिला आघाडीच्या कार्यकर्त्या राजश्री नागनाथराव लोखंडे तर उद्घाटक म्हणून डॉ. माधवी सुभेदार या उपस्थित राहणार आहेत. दिनांक 18 फेब्रुवारी 2025 रोजी सायंकाळी सांस्कृतिक कार्यक्रमाचे आयोजन करण्यात आले असून कार्यक्रमाचे अध्यक्षस्थानी बाजार समितीचे माजी सभापती खुशालराव पाटील उमरदरीकर हे राहणार आहेत तर उद्घाटक म्हणून माजी आमदार हाणमंतराव पाटीलबेटमोगरेकर हे उपस्थित राहणार आहेत. दिनांक 19 फेब्रुवारी 2025 रोजी सकाळी साडेआठ वाजता छत्रपती शिवाजी महाराज स्मारकाजवळ आमदार डॉ. तुषार गोविंदराव राठोड यांच्या शुभहस्ते भगव्याध्वजाचे ध्वजारोहण करण्यात येणार आहे यावेळी तहसीलदार राजेश जाधव, माजी नगराध्यक्ष बाबू सावकार देबडवार, पोलीस निरीक्षक लक्ष्मणराव केंद्रे आदीसह मान्यवरांची उपस्थिती राहणार आहे. सकाळी ९.३० वाजता राजमुद्रा सामाजिक संघटनेच्या वतीने अण्णाभाऊ साठे चौक बाराळी नाक्यापासूनभव्य मोटरसायकल रॅली काढण्यात येणार आहे.
दुपारी दोन वाजता छत्रपती शिवाजी महाराज स्मारकाजवळ माजी नगराध्यक्ष गंगाधरराव राठोड यांच्यावतीने शिव महाप्रसादाचे आयोजन करण्यात आले आहे. दुपारी चार वाजता भव्य पालखी सोहळा वशिवकालीन देखाव्यासह भव्य मिरवणूक काढण्यात येणार आहे.
यावेळी डॉ. वीरूपाक्ष शिवाचार्य महाराज यांच्या हस्ते प्रतिमा पूजन करण्यात येणार असून कार्यक्रमाचेअध्यक्षस्थानी माजी नगराध्यक्ष गंगाधरराव राठोड तर उद्घाटक म्हणून दिलीप पाटील बेटमोगरेकर हेउपस्थित राहणार आहेत.
तीन दिवसीय या शिवजन्मोत्सव सोहळ्याच्या सर्व कार्यक्रमास शिवप्रेमी जनतेनी मोठ्या संख्येने उपस्थितराहावे असे आवाहन शिवजन्मोत्सव समितीचे स्वागताध्यक्ष नागनाथराव लोखंडे, शिवजन्मोत्सव समितीचेअध्यक्ष नरेश इंगोले, सचिव योगेश पाटील जाधव खंडगावकर, उपाध्यक्ष अविनाश पाटील मसलगेकर, प्रशांत उल्लेवाड, सहसचिव दीपक पाटील जुने, कोषाध्यक्ष बालाजी माधवराव इंगोले, सौरभ पाटीलजोगदंड, योगेश पाटील हिवराळे, माधव देवकते, विश्वजीत पाटील इंगोले, सुरज पाटील जाधव, सचिनरिंदकवाले, सहसल्लागार विशाल बाबळे, सचिन पाटील इंगोले, रामदास पाटील जाधव, श्याम पाटीलइंगोले, बालाजी पा. इंगोले, गंगाधर पाटील जाधव आदींनी केले आहे.
