दौंडमधील खळबळजनक घटना; नवरा आणि महिलाच्या वादात , 11 महिन्यांचा चिमुकला ठरला शिकार
दौंड:- ११ जुलै २५
पुणे जिल्ह्याच्या दौंड तालुक्यात काळजाचा थरकाप उडवणारी घटना समोर आली आहे. इथं एकामहिलेनं आपल्या पत्नीवर त्रिशूलने हल्ला केला होता. पण या वादात पत्नीच्या हातून हा त्रिशूल थेट ११महिन्यांच्या मुलाच्या शरीरात घुसला. या दुर्दैवी घटनेत निष्पाप मुलाचा हकनाक मृत्यू झाला आहे. याप्रकरणी यवत पोलीस ठाण्यात गुन्हा दाखल करण्यात आला आहे. पोलिसांनी आरोपी पती–पत्नीलाअटक केली आहे. घटनेचा पुढील तपास सुरू आहे.
अवधूत मेंगावडे असं मृत पावलेल्या मुलाचं नाव आहे. तो अवघ्या ११ महिन्यांचा होता, जग कळायच्याआत जन्मदातीच्या हातून चिमुकल्याला मरण आलं आहे. ही घटना दौंड तालुक्याच्या केडगाव याठिकाणीघडली. अशाप्रकारे मुलाचा मृत्यू झाल्याने गावात एकच खळबळ उडाली. घटनेची माहिती मिळताच यवतपोलिसांनी घटनास्थळी धाव घेत, घटनास्थळाचा पंचनामा केला आहे.
मिळालेल्या प्राथमिक माहितीनुसार, सचिन मेंगवडे हे आपली पत्नी आणि मुलासह केडगावमध्ये राहतात. घटनेच्या वेळी किरकोळ कारणावरून त्यांचा बायकोसोबत वाद झाला. हा वाद विकोपाला गेल्या नंतर बायकोने नवऱ्याला मारण्यासाठी त्रिशूल घेतला. पण तो त्रिशूल बाजूला भावजयीच्या कड्यावर असलेल्या मुलाला लागला. जखमी झालेल्या चिमुकल्याला तातडीने रुग्णालयात नेण्यात आले. पणत्रिशूलचा घाव वर्मी लागल्याने त्याचा मृत्यू झाला.
