मेहनत आणि कुटुंबाची साथ असेल तर अशक्यही शक्य; डॉ. श्रीहरी बुडगेमवार यांनी मुंबईत पटकावलेविधी शाखेचे सुवर्णपदक

श्रमिक एकता न्यूज़ नेटवर्क मुखेड:- १० सप्टेंबर २६

स्वप्नांना मेहनतीची जोड आणि कुटुंबाची भक्कम साथ लाभली तर कोणतेही ध्येय अशक्य नसते,” हेमुखेडचे सुपुत्र डॉ. श्रीहरी बुडगेमवार यांनी आपल्या उत्तुंग यशातून सिद्ध करून दाखवले आहे. मुंबईविद्यापीठाशी संलग्न असलेल्या नामांकित सिद्धार्थ लॉ कॉलेजमधून एलएलबी परीक्षेत सलग तीन वर्षेप्रथम क्रमांक पटकावत त्यांनी मानाचे सुवर्णपदक प्राप्त केले. 

७ सप्टेंबर रोजी सिद्धार्थ विधी महाविद्यालय (फोर्ट, मुंबई) च्या सभागृहात संपन्न झालेल्या दीक्षांतसोहळ्यात त्यांना या पदकाने सन्मानित करण्यात आले.

या l कार्यक्रमाचे अध्यक्षपद महाराष्ट्र राज्याचे लोकायुक्त अध्यक्ष, मा. न्यायमूर्ती सुनील बी. शुक्रे यांनीभूषविले. तर प्रमुख पाहुणे म्हणून मा. न्यायमूर्ती सुरेंद्र तावडे, सिद्धार्थ लॉ कॉलेजचे प्राचार्य डॉ. के. सुधाकर रेड्डी, प्रा. डॉ. दादासाहेब सूर्यवंशी, प्रा. ॲड. दिशा पाटील आणि प्रा. ॲड. श्रद्धा राठोड आदीमान्यवर उपस्थित होते.

आपले मनोगत व्यक्त करताना डॉ. श्रीहरी बुडगेमवार भावनिक झाले. ते म्हणाले: “स्वप्ने नक्कीच पूर्ण होतात, पण ती सत्यात उतरवण्यासाठी संपूर्ण कुटुंबाची साथ लागते. हे यश केवळमाझे नसून संघर्षाच्या काळात माझ्यावर विश्वास ठेवणाऱ्या प्रत्येकाचे आहे. हे सुवर्णपदक जितके माझेआहे, तितकेच ते माझी पत्नी अनुषा हिचे आहे. तिच्या निरपेक्ष प्रेमाने, संयमाने आणि खंबीर साथीशिवायहे यश शक्य नव्हते. त्याचबरोबर माझे गुरू, माता–पिता आणि शिक्षकांनी दिलेल्या मार्गदर्शनामुळेचमाझ्या विचारांना योग्य दिशा मिळाली.”

त्यांनी आपल्या यशात वरिष्ठ, मित्र, कनिष्ठ सहकारी आणि हितचिंतकांच्या पाठिंब्याचाही कृतज्ञतापूर्वकउल्लेख केला. “न्यायाच्या मार्गावर चालण्याच्या प्रवासाची ही केवळ सुरुवात आहे,” असा ठाम निर्धारहीत्यांनी या वेळी व्यक्त केला. डॉ. श्रीहरी बुडगेमवार यांच्या या देदिप्यमान यशाबद्दल मुखेड तालुक्यासहसंपूर्ण नांदेड जिल्ह्यातून आणि सर्व स्तरातून त्यांच्यावर कौतुकाचा वर्षाव होत आहे.