Sharmik Ekta
-
शहर
मुखेड नगर परिषदेचा निष्काळजीपणा: रस्त्यावरील मोकळे ‘शिरकोट’ बनले मृत्यूचा सापळा!
▫️गणपती मिरवणुकीच्या नावाखाली तात्पुरती मलमपट्टी; शाळकरी मुले घसरून जखमी, नागरिकांत प्रचंडसंताप श्रमिक एकता न्यूज़ नेटवर्क मुखेड : ३० सप्टेंबर २६ गणपती मिरवणुकीच्या निमित्ताने शहरातील रस्त्यांची दुरुस्ती करण्याचे आदेश कागदावर निघाले खरे, मात्र मुखेड नगर परिषदेने प्रत्यक्षात कामाची केवळ थातुरमातुर बोळवण केल्याचे उघड झाले आहे. काही मोजक्या ठिकाणी सिमेंट टाकून खड्डे बुजवण्यात आले, तर बहुतांश रस्त्यांवर डांबरा शिवाय मोकळे‘शिरकोट‘ (बारीक खडी) पसरवून तात्पुरती मलमपट्टी करण्यात आली. रोलर न फिरवता टाकलेली हीखडी आता थेट अपघातांना निमंत्रण देत असून, विद्यार्थ्यांसह वाहनधारकांच्या जीवावर बेतत आहे. या रस्त्यांवरून शाळा आणि क्लासेससाठी जाणाऱ्या विद्यार्थ्यांच्या सायकली व दुचाकी घसरून दररोज अपघात होत आहेत. अनेक शाळकरी मुले या शिरकोट वरून पडून जखमी होत आहेत. शहरातील शनिदेव मंदिर मुख्य रस्ता, गोरक्षण रस्ता, मुगावे यांच्या घराच्या बाजूचा रस्ता तसेच माजी नगराध्यक्ष…
Read More » -
राजकीय
मुखेड शहराचा बंद पाणीपुरवठा त्वरित सुरू करा, अन्यथा उद्या नगर परिषदेत तीव्र आंदोलन; भाजप नगरसेवकांचा इशारा
▫️तांत्रिक बिघाड आणि कंत्राटदाराच्या बिलाबाबत आक्षेप श्रमिक एकता न्यूज़ नेटवर्क मुखेड: ३० सप्टेंबर २६ मुखेड शहरात गेल्या चार दिवसांपासून पाणीपुरवठा पूर्णपणे ठप्प झाला असून नागरिकांचे पिण्याच्या पाण्यासाठी प्रचंड हाल होत आहेत. या पार्श्वभूमीवर आज, ३० सप्टेंबर रोजी मुखेड नगर परिषदेचे मुख्याधिकारी यांना निवेदन सादर करून शहरातील पाणीपुरवठा तातडीने सुरळीत करण्याची मागणी करण्यात आली आहे. पाणीपुरवठा सुरू न झाल्यास उद्या, १ ऑक्टोबर रोजी नगर परिषद कार्यालयात तीव्र आंदोलन छेडण्याचा इशारा भाजप नगरसेवकांच्या वतीने देण्यात आला आहे. मुख्याधिकाऱ्यांना दिलेल्या निवेदनात नमूद केले आहे की, २६ सप्टेंबरपासून कुंद्राळ येथील वॉटरसप्लायमध्ये उद्भवलेल्या तांत्रिक अडचणीमुळे मुखेड शहराचा पाणीपुरवठा बंद पडला आहे. आजतागायत…
Read More » -
सामाजिक
मुखेड नगरपालिकेचा अमानुष कारभार: स्वच्छता कर्मचाऱ्यांना हँडग्लोज ऐवजी हातात प्लास्टिक पिशव्या गुंडाळून कचरा उचलण्याची वेळ!
▫️आरोग्य सुरक्षा वाऱ्यावर; ना युनिफॉर्म, ना बूट, ना आरोग्य तपासणी-कर्मचाऱ्यांचे जीवन धोक्यात श्रमिक एकता न्यूज नेटवर्क मुखेड: २९ सप्टेंबर २६ शहराला चकाचक ठेवणाऱ्या आणि घाणीचे साम्राज्य उपसून नागरिकांच्या आरोग्याचे रक्षण करणाऱ्या…
Read More » -
राजकीय
दुष्काळाच्या ‘ट्रिगर-१’ मधून मुखेड, मुदखेड का वगळले? निर्णयातील पारदर्शकतेवर प्रश्नचिन्ह
▫️१ ऑक्टोबरला तहसीलसमोर लाल बावटा युनियनचे धरणे आंदोलन श्रमिक एकता न्यूज नेटवर्क मुखेड:- २८ सप्टेंबर २६ राज्य शासनाने खरीप हंगाम २०२६ साठी जाहीर केलेल्या दुष्काळ मूल्यमापनाच्या ‘ट्रिगर–१‘ यादीतून नांदेड जिल्ह्यातील मुखेड आणि मुदखेड या दोन तालुक्यांना वगळल्याने शेतकरी व शेतमजुरांमध्ये तीव्र असंतोष पसरला आहे. या अन्याया विरोधात ‘महाराष्ट्र शेतमजूर व इतर ग्रामीण मजूर युनियन (लालबावटा)’ आक्रमक झाली असून, निर्णयाचा फेर आढावा घेऊन आकडेवारी जाहीर न केल्यास १ ऑक्टोबररोजी मुखेड तहसील कार्यालयासमोर धरणे आंदोलन करण्याचा इशारा युनियनने निवेदनाद्वारे दिला आहे. शासनाने २५ सप्टेंबर रोजी राज्यातील २५५ तालुक्यांमध्ये ट्रिगर–१ लागू केला असून यात मराठवाड्यातील ७६ पैकी तब्बल ७४ तालुक्यांचा समावेश आहे. नांदेड जिल्ह्यातील १६ पैकी १४ तालुकेया यादीत पात्र ठरले असताना केवळ मुखेड आणि मुदखेडला वगळण्यात आले. ९ सप्टेंबरच्या आकडेवारीनुसार मुखेडमध्ये ८८.५३% तर मुदखेडमध्ये ९५.२८% पाऊस झाला होता. दुष्काळमूल्यमापनात केवळ पावसाची आकडेवारी न पाहता पावसातील खंड, जमिनीतील ओलावा, भूजलस्थिती व पिकांचे नुकसान तपासणे बंधनकारक असताना या दोन तालुक्यांना कोणत्या निकषांवर वगळले, असा प्रश्न युनियनने उपस्थित केला आहे. या संदर्भात युनियनने २४ सप्टेंबरच्या कृषी आयुक्त अहवालातील सांख्यिकी जाहीर करणे, संयुक्तपथकाद्वारे प्रत्यक्ष पीक पाहणी करणे, शेतमजुरांसाठी रोहयो अंतर्गत तातडीने कामे सुरू करणे आणिचारा–पाण्याचा कृती आराखडा तयार करण्याची मागणी केली आहे. प्रशासनाने यावर तातडीने फेरविचारन केल्यास १ ऑक्टोबर रोजी सकाळी ११:३० वाजता तहसीलवर धडक मोर्चा व धरणे आंदोलन करण्यातयेईल. हे निवेदन कॉ. माधव देशटवाड, कॉ. अंकुश अंबुलगेकर, कॉ. लक्ष्मण भोकसखेड आणि कॉ. रावसाहेब यांनी प्रशासनाला सादर केले आहे.
Read More » -
राजकीय
मुखेड तालुका दुष्काळग्रस्त जाहीर करून हेक्टरी १ लाख रुपये अनुदान द्या; शेकापतर्फे २ ऑक्टोबरला एकदिवसीय उपोषणाचा इशारा
२६५ तालुक्यांत मुखेडचा समावेश का नाही? तहसीलदारांमार्फत शासनाकडे दाद श्रमिक एकता न्यूज नेटवर्क मुखेड: २८ सप्टेंबर २६ शासनाने नुकतीच राज्यातील २६५ तालुक्यांची दुष्काळग्रस्त म्हणून घोषणा केली आहे; मात्रमराठवाड्यातील अत्यंत दुर्लक्षित व डोंगराळ भाग असलेल्या मुखेड तालुक्याला यातून वगळण्यात आलेआहे. शासनाचा हा निर्णय अन्यायकारक असून मुखेड तालुका तात्काळ दुष्काळग्रस्त जाहीर करून शेतकऱ्यांना प्रति हेक्टरी १ लाख रुपये अनुदान व सर्व दुष्काळी सवलती लागू कराव्यात, या मागणीसाठी भारतीय शेतकरी कामगार पक्षातर्फे २ ऑक्टोबर रोजी गांधी जयंतीच्या निमित्ताने एक दिवसीय लाक्षणिक उपोषण करण्यात येणार आहे. यासंदर्भात शेकापच्या शिष्टमंडळाने मुखेडच्या तहसीलदारांना अधिकृत निवेदन दिले आहे. तहसीलदारांना सादर केलेल्या निवेदना नुसार, मुखेड तालुका हा पूर्णपणे डोंगराळ भाग असून येथे पर्जन्यमानाचे प्रमाण अत्यंत कमी असते. तालुक्यातील सुमारे ८० टक्के शेती कोरडवाहू असल्याने निसर्गाच्या लहरीपणाचा मोठा फटका येथील बळीराजाला सहन करावा लागत आहे. अशा बिकट परिस्थितीतही शासनाने जाहीर केलेल्या दुष्काळग्रस्त तालुक्यांच्या यादीतून मुखेडला वगळल्याने शेतकऱ्यांमध्ये तीव्र असंतोष पसरला आहे.…
Read More » -
Uncategorized
इयत्ता १० वी व १२ वी च्या गुणपत्रिका, प्रमाणपत्रांवरील दुरुस्तीसाठी ३० सप्टेंबरला नांदेडमध्ये विशेष शिबिर; लातूर विभागीय मंडळाचा पुढाकार
विद्यार्थी व पालकांना उपस्थित राहण्याची गरज नाही श्रमिक एकता न्यूज नेटवर्क नांदेड: २८ सप्टेंबर २६ महाराष्ट्र राज्य माध्यमिक व उच्च माध्यमिक शिक्षण मंडळ, लातूर विभागीय मंडळाच्या वतीने जिल्ह्यातील माध्यमिक व उच्च माध्यमिक शाळा आणि कनिष्ठ महाविद्यालयांतील विद्यार्थ्यांसाठी ‘बोर्डशाळेच्या दारा‘ अंतर्गत विशेष शिबिराचे आयोजन करण्यात आले आहे. हे शिबिर येत्या ३० सप्टेंबर २०२६ रोजी सकाळी ११.०० वाजता राजर्षी शाहू माध्यमिक व उच्च माध्यमिक विद्यालय, वसंतनगर, नांदेड येथे पार पडणार आहे. या शिबिरामध्ये इयत्ता १० वी (SSC) आणि १२ वी (HSC) परीक्षेतील विद्यार्थ्यांचे नाव, आईचे नाव, जन्मदिनांक तसेच जन्मस्थळातील चुका दुरुस्त करण्यासाठी सादर केलेल्या प्रस्तावांची प्रत्यक्ष तपासणी केली जाईल. प्रस्तावातील त्रुटी जागीच सांगून आवश्यक प्रवेश निर्गम तपासूनपात्र प्रस्ताव त्वरित स्वीकारले जाणार आहेत.…
Read More » -
सामाजिक
मुखेड तालुका ट्रिगर-१ मधून वगळल्याने बोरगावमध्ये शेतकऱ्यांचा संताप; शासन निर्णयाची (GR) केली होळी
श्रमिक एकता न्यूज़ नेटवर्क बोरगाव ,मुखेड), दि. २७ सप्टेंबर २६ खरीप हंगामात पावसाचा प्रदीर्घ खंड आणि अवकाळी अतिवृष्टीमुळे मुखेड तालुक्यातील…
Read More » -
क्राईम
उमरखेड हादरले! वेल्डिंगदरम्यान भीषण स्फोट, दोघांचा करुण अंत
श्रमिक एकता न्यूज नेटवर्क उमरखेड/यवतमाळ :- २७ सप्टेंबर २६ यवतमाळ जिल्ह्यातील उमरखेड शहरात बैलबाजार भरणाऱ्या मैदाना समोर ब्लास्टिंग ट्रॅक्टरचे वेल्डिंग सुरु असताना सिलेंडरचा अचानक भीषण स्फोट झाल्याने परिसर हादरून गेला. या दुर्घटनेत दोघांचाही मृत्यू झाल्याची माहिती समोर आली. याच पाच जण गंभीर जखमी झाल्याची प्राथमिक माहिती समोर आली. तर दोघांचा जागीच मृत्यू झाला होता. जखमींना उपचारासाठी नांदेड येथील रुग्णालयात दाखल करण्यात आले आहे. घडलेल्या घटनेनुसार, बैलबाजाराच्या मैदाना समोर ब्लास्टिंग ट्रॅक्टरच्या वेल्डिंगचे काम सुरू असताना सिलेंडरचा अचानक भीषण स्फोट झाल्याने परिसर हादरून गेला. या दुर्घटनेत दोघांचा जागीच दुर्दैवी मृत्यू झाल्याची माहिती समोर आली. जखमींना तात्काळपणे स्थानिक रुग्णालयात हलविण्यात आले आहे. गंभीर जखमींपैकी काहींना पुढील उपचारासाठी नांदेड येथे हलविले. या घटनेची माहिती मिळताच, उमरखेड पोलिसांनी घटनास्थळी धाव घेतली. पोलिसांनी घटनास्थळाची पाहणी केली असता, दुर्घटनेमागील नेमकं कारण शोधण्याचा प्रयत्न केलाहोता. वेल्डिंग सुरू असताना नेमका स्फोट कशामुळे झाला? इतर संबंधित ट्रॅक्टर आणि सिलेंडरच्यासुरक्षिततेबाबत आवश्यक असणारी खबरदारी घेण्यात आली होती का? असा प्रश्न उपस्थित होत आहे. पोलिसांनी प्रकरणाचा तपास करण्यास सुरूवात केली आहे. या भीषण दुर्घटनेमुळे उमरखेड परिसर हादरून गेला आहे. मृतांच्या कुटुंबीयांवर दुःखाचा डोंगर कोसळलाआहे. पोलिसांच्या तपासानंतर स्फोटाचे नेमके कारण आणि दुर्घटनेची सविस्तर माहिती समोर येणारआहे.
Read More » -
शहर
सर्पदंश झाल्यास अंधश्रद्धेला बळी पडू नका; तातडीने शासकीय रुग्णालयात उपचार घ्या : जिल्हा शल्य चिकित्सक
श्रमिक एकता न्यूज नेटवर्क नांदेड :- २६ सप्टेंबर २६ सर्पदंश ही एक तातडीची वैद्यकीय आणीबाणी असून वेळेत योग्य उपचार मिळाल्यास रुग्णाचे प्राणनिश्चितपणे वाचवता येतात. त्यामुळे मांत्रिक, झाडफूक किंवा जडीबुटी अशा कोणत्याही अंधश्रद्धेला बळी न पडता रुग्णाला तातडीने जवळच्या शासकीय रुग्णालयात दाखल करावे, असे आवाहन जिल्हाशल्य चिकित्सक डॉ. संजय पेरके यांनी केले आहे. महाराष्ट्र शासनाने सर्पदंशाचा समावेश ‘अधिसूचित आजार‘ म्हणून केला असून, नांदेड जिल्ह्यातील सर्व प्राथमिक आरोग्य केंद्रे, ग्रामीण, उपजिल्हा व जिल्हासामान्य रुग्णालयात सर्पदंशावरील ‘अँटी–स्नेक व्हेनम‘ (ASV) व आवश्यक औषधसाठा पुरेसा उपलब्ध आहे. सर्पदंशानंतर रुग्णाला घाबरू न देता शांत ठेवावे आणि दंश झालेला अवयव जास्त हालचाल न करतापट्टी वा कापडाने स्थिर ठेवावा. सूज येण्यापूर्वी अंगठी, घड्याळ व घट्ट कपडे काढून टाकावेत. रुग्णाला चालवत नेण्याऐवजी १०८ किंवा १०२ रुग्णवाहिकेच्या मदतीने थेट रुग्णालयात न्यावे. दंशाच्या जागी ब्लेडने कापणे, तोंडाने विष शोषण्याचा प्रयत्न करणे किंवा दोरीने अतिघट्ट बांधणे असे धोकादायकप्रकार कटाक्षाने टाळावेत. तसेच शेतात काम करताना मजबूत पादत्राणे वापरणे, रात्री बॅटरी–काठीसोबत ठेवणे आणि जमिनीवर न झोपता खाट व मच्छरदाणीचा वापर करणे गरजेचे आहे. वेळेवर मिळणारे वैद्यकीय उपचार हाच रुग्णाचा जीव वाचवण्याचा एकमेव खात्रीशीर मार्ग आहे, असे आवाहन डॉ. पेरके यांनी केले आहे.
Read More » -
सामाजिक
नांदेड जिल्ह्यात दुष्काळाच्या पार्श्वभूमीवर प्रशासकीय यंत्रणा अलर्ट मोडवर; अधिकारी, कर्मचाऱ्यांच्या रजेवर कडक निर्बंध
विनापरवानगी मुख्यालय सोडल्यास थेट फौजदारी कारवाई; जिल्हाधिकारी राहुल कर्डिले यांचे कडक आदेश श्रमिक एकता न्यूज नांदेड :- २४ सप्टेंबर २६…
Read More »