ईद मिलाद-उन-नबी म्हणजे काय? हा सण कसा साजरा केला जातो, पहा धार्मिक महत्त्व

मुखेड : ईद–ए–मिलादला ही  ईद मिलाद–उन–नबी असेही म्हणतात. इस्लाम धर्मात ईद मिलाद–उन–नबी हा सणपैगंबर हजरत मोहम्मद स.अ यांचा जन्मदिवस म्हणून साजरा केला जातो. ईद मिलाद–उन–नबी हा इस्लामिककॅलेंडरचा तिसरा महिना, रबी अल–अव्वालच्या 12 तारखेला साजरा केला जाणारा एक विशेष इस्लामीसण आहे. या दिवशी मुस्लिम समाजात विशेष प्रार्थना, समारंभ आणि उत्सव आयोजित केले जातात. लोकमशिदींमध्ये प्रार्थना करण्यासाठी जातात आणि प्रेषित मुहम्मद स.अ यांच्या शिकवणींचे स्मरण करतात. 15 सप्टेंबरच्या संध्याकाळपासून 16 सप्टेंबरच्या संध्याकाळपर्यंत ईद मिलाद–उन–नबी साजरी केली जाईल.

इस्लाम धर्मात ईद मिलाद–उन–नबीचे महत्त्व खूप जास्त आहे. इस्लाम धर्माचे शेवटचे पैगंबर मानले जाणारेप्रेषित हजरत मुहम्मद साहिब यांच्या जन्मदिनानिमित्त हा सण साजरा केला जातो. तसेच, हा सण इस्लामीलोकांना एकात्मतेत बांधतो आणि त्यांना पैगंबरांच्या शिकवणी लक्षात ठेवण्यास प्रेरित करतो. याशिवाय हासण मुस्लिम लोकांना समाजसेवेसाठी प्रेरित करतो आणि गरीब आणि गरजूंना मदत करण्यासाठीप्रोत्साहित करतो.

या दिवशी रात्रभर प्रार्थना केली जाते आणि ठिकठिकाणी मिरवणुकाही काढल्या जातात. घरे आणिमशिदींमध्ये कुराण वाचले जाते. या दिवशी गरिबांना दानही केले जाते. ईद मिलाद–उन–नबीच्या दिवशी दानआणि जकात केल्याने अल्लाह प्रसन्न होतो, असे मानले जाते.

ईद मिलाद–उन–नबीचा इतिहास –

ईद मिलाद–उन–नबीचा इतिहास इस्लाम धर्माचे प्रेषित हजरत मुहम्मद स.अ साहिब यांच्या जन्माशी जोडलेलाआहे. हजरत मुहम्मद साहिब यांचा जन्म मक्का येथे 570 मध्ये झाला. सुन्नी लोक 12 तारखेला रबीअल–अव्वाल रोजी प्रेषित मुहम्मद यांचा जन्म साजरा करतात, तर शिया लोक 17 तारखेला हा सण साजराकरतात. हा दिवस केवळ प्रेषित मुहम्मद यांचा जन्मच नव्हे तर त्यांच्या मृत्यूचा शोक म्हणूनही स्मरणातठेवला जातो. पैगंबर यांच्या जन्मापूर्वीच त्यांच्या वडिलांचा मृत्यू झाला होता. ते 6 वर्षांचे असताना त्यांच्याआईचेही निधन झाले. आपल्या आईच्या मृत्यूनंतर, पैगंबर मोहम्मद त्यांचे काका अबू तालिब आणि आजोबाअबू मुत्तलिब यांच्यासोबत राहू लागले. त्यांच्या वडिलांचे नाव अब्दुल्ला आणि आईचे नाव बीबी अमीना होते. अल्लाहने सर्वप्रथम प्रेषित हजरत मोहम्मद यांना पवित्र कुराण दिले. यानंतरच पैगंबरांनी पवित्र कुराणचासंदेश जगाच्या कानाकोपऱ्यात पोहोचवला, असे मानले जाते.