क्राईम
-
मुखेडच्या दुय्यम निबंधक कार्यालयात होतेय नागरिकांची आर्थिक लुट.
रजिस्ट्रीला घेतलेली ज्यादा रक्कम वापस करण्याची निवेदनाव्दारे मागणी. मुखेड / प्रतिनिधी. मुखेड येथील दुय्यम निबंध कार्यालयात रजिस्ट्री करीत असताना सर्व…
Read More » -
अवैध वाळू वाहतूक करणारा हायवा मुखेड पोलिसांनी पकडला
चालक, मालकाविरुद्ध गुन्हा दाखल मुखेड (प्रतिनिधी) :- एका हायवा ट्रकमधून विनापरवाना लाल वाळूची वाहतूक सुरू असताना २३ डिसेंबर रोजी मुखेडपोलिसांनी ती हायवा ट्रक पकडून कारवाई केली. जाहूर चौकात ही हायवा पकडली. या कारवाईत ९ ब्रासवाळूसह पोलिसांनी २० लाखांचा हायवा ट्रकही जप्त केला आहे. चालक आणि मालक या दोघांविरुद्धहीगुन्हा दाखल केला आहे. मुखेड ठाणे येथे वाळू वाहतूक करणाऱ्या वाहनाची माहिती मिळाल्यानंतर मुखेड पोलीस ठाण्याचे पोलीसनिरीक्षक लक्ष्मण केंद्रे, अंमलदार प्रदीप शिंदे हे २३ डिसेंबर रोजी जाहूर चौकात पोहोचले. त्यावेळी सकाळीसव्वाआठ वाजेदरम्यान देगलूर रस्त्यावरून एक हायवा ट्रक विनापरवाना लाल वाळूची चोरटी वाहतूककरीत असल्याचे आढळले. दोन पंचांना बोलावून या छाप्याबाबत माहिती दिली. सकाळी आठ वाजून दहा मिनिटांनी लाल वाळू भरून येत असलेला हायवा ट्रक थांबवला. या हायवा चालकाकडे वाळू वाहतुकीच्यापरवान्याबाबत विचारणा केली असता त्याच्याकडे कोणताही परवाना नसल्याचे त्याने सांगितले. यातील हायवा चालक आकाश सोपान वाघमारे रा. राजुरा ता. मुखेड आणि मालक मारुती पुंडलिकजंगमवाड रा. राजुरा, ता. मुखेड या दोघांविरुद्ध गुन्हा दाखल करण्यात आला आहे. पोलीस अधीक्षकअबिनाश कुमार, अप्पर पोलीस अधीक्षक सुरज गुरव, उपविभागीय पोलीस अधिकारी संकेत गोसावी यांच्यामार्गदर्शनाखाली ही कारवाई करण्यात आली.
Read More » -
मस्साजोग प्रकरणाचा तपास करून दोषींवर कठोर कारवाईची मागणी
मुखेड : बिड जिल्हतील मस्साजोग तालुका केज येथील सरपंच संतोष पंडितराव देशमुख यांची क्रुर हत्याकरण्यात आली आहे या गंभीर घटनेचा तपास विशेष यंत्रणेद्वारे करुन जो कोणी या प्रकरणाचामास्टरमाईंड, दोषी असेल त्याचा लवकर शोध घेऊन त्याला कठोरातील कठोर शिक्षा देऊन सरपंच संतोषदेशमुख यांच्या कुटुंबाला न्याय द्यावा अन्यथा महाराष्ट्र भर आंदोलन करण्यात येईल अशी मागणी राजमुद्रासामाजिक संघटना व अखिल भारतीय छावा संघटनेच्या वतीने दिनांक १६ डिसेंबर रोजी तहसीलदारयांच्याकडे निवेदनाद्वारे मागणी करण्यात आली आहे. निवेदन सामाजिक संघटनेच्या पदाधिकारी यांच्यावतीने मुखेड तहसिल कार्यालय येथे देण्यात आले. यावेळी राजमुद्रा सामाजिक संघटनेचे अध्यक्ष सचिनपाटील इंगोले, अखिल भारतीय छावा संघटनेचे तालुकाध्यक्ष गिरीधर पाटील केरुरकर, महाराष्ट्र ग्राहकपंचायत संघटनेचे जिल्हा उपाध्यक्ष अशोक सावकार बच्चेवार, राजमुद्राचे बालाजी वडजे मसलगेकर, सामाजिक कार्यकर्ते तुकाराम सुडके येवतीकर, प्रितम गवाले बावलगावकर, नरेश पाटील इंगोले, योगेशपाटील जाधव, विरभद्र स्वामी केरुरकर, कपिल काठेवाडे, श्रीनिवास पाटील पाळेकर सह आदिंची उपस्थितीहोती.
Read More » -
नोकरीचे आमिष दाखवून १ कोटी १४ लाख रुपयांची फसवणूक करणारे चार जण पोलिसांच्या ताब्यात
मुखेड प्रतिनिधी:- तलाठी पदासह कामगार आयुक्त यांच्याकडून भरण्यात येणाऱ्या जागेवर नोकरी लावण्याचे अमिष दाखूवनएका अधिकाऱ्यासह अन्य सहा जणांवर १ कोटी १४ लाख रुपयांची फसवणूक करणाऱ्या क्लास वन अधिकाऱ्यासह चौघांना मुंबई येथून आर्थिक गुन्हा शाखेने आरोपींना अटक केली आहे. विविध विभागात शासकीय नोकरी लावण्याचे आमिष दाखवून सुशिक्षित बेरोजगारांची फसवणूक केल्यांचागंभीर प्रकार मुखेड तालुक्यात घडला असून गंभीर गुन्हा प्रकरणी ११ डिसेंबर रोजी पोलीस ठाण्यात गुन्हादाखल करण्यात आला होता. त्यानंतर हा गुन्हा आर्थिक गुन्हे शाखेकडे वर्ग करताच तपास अधिकारीपोलीस उपनिरीक्षक एन. बी. कुंडगीर यांनी लातूर जिल्ह्यातील धनेगाव येथील आरोपी रामदास नारायणशिंदे, मुंबई येथे महाराष्ट्र महाराष्ट्र राज्य नियंत्रण विभागात अधिकारी असलेले सरकारी अधिकारी पवनकुमार धर्मा चव्हाण, अहमदपूर तालुक्यातील हाडोळती येथील जावेद राजक तांबोळी व निलंगातालुक्यातील कल्पेश रविकांत जाधव या चार आरोपींना अटक करण्यात आली आहे. फिर्यादी गोविंद गिरी आणि साक्षीदार व नातेवाईक यांच्याकडून तब्बल १ कोटी १४ लाख रुपये नगदी वफोन– पे च्या साह्याने घेतले असून पैसे पोहोचल्यानंतर बनावट निवड यादी तयार करून फिर्यादीच्यामोबाईल व्हॉट्सअॅपवर पाठवून दिली. सदर यादी बनावट असल्याचे लक्षात आल्यानंतर आपलाविश्वासघात आणि फसवणूक केल्याचे लक्षात येताच संबंधितांकडे याबाबत विचारणा केली असतासंबंधितांनी फोनवरून शिवीगाळ करत जीवे मारण्याची धमकी दिली. याप्रकरणी गोविंद गिरी रा. दबडेशिरूर ता. मुखेड यांनी दिलेल्या फिर्यादीवरून मुखेड पोलीस ठाण्यात गुरनं ३६९/ २०२४ कलम४२०,४०६,४६५,४६६, ४६७, ५७८, ४७१, ४८३, २९४, ५०७, १२० (ब) भादवी प्रमाणे गुन्हा दाखल करण्यातआला आहे.
Read More » -
भरदिवसा बंद घर फोडले; ३ लाखाचा ऐवज लांबविला ! नागरिकात भीतीचे वातावरण
मुखेड प्रतिनिधी:- मुखेड शहरातील दीपनगर भागातील एका शिक्षक दाम्पत्याचे बंद घराचे कडी कोंडा तोडून आत प्रवेश करतघरातून सोन्याचे दागिने आणि रोख रक्कम असा एकूण ३ लाख रुपये किमतीचा ऐवज अज्ञात चोरट्यांनीचोरून नेल्याची धक्कादायक घटना उघडकीला आले आहे शहरातील मध्यवर्ती भागतील घरात घरफोडी झाल्याने नागरिकात भीतीचे वातावरण पसरले आहे ही घटना११ डिसेंबर रोज बुधवारी दुपारी १ वाजेच्या दरम्यान घडली आहे. घटनास्थळी पोलिस प्रशासनाने श्वानपथकास पाचारण केले आहे. या बाबत सविस्तर वृत्त असे की शहरातील दीपनगर भागात दादाराव आगलावे यांचे चैतन्य निवास हे घरआहे. दररोजच्या दिनक्रमा प्रमाणे दादाराव आगलावे आणि त्यांची पत्नी सौ. शिला आगलावे हे दोन्हीशिक्षक दाम्पत्य शाळेत कर्तव्यासाठी गेले असता घरी कुणीही नसल्याचे संधी साधून अज्ञात चोरट्यानेघराचे कडी कोंडा तोडून भरदिवसा ११ रोजी बुधवारी दुपारी १ वाजता धाडसी चोरी केली आहे. यात घरातील लोखंडी कपाटातील ३५ ग्राम सोन्याचे दागिने नगदी १० हजार रु लंपास केल्याची माहितीसमोर आली आहे. सौ. शीला आगलावे हे शाळेच्या मध्यंतरामध्ये घरी आले आसता घरातील दरवाजे कुलूपकोंडी तुटून दरवाजा उघडा असल्याचे दिसून आले. मुख्य गेटला कुलूप होते. घरात गेल्यावर त्यांना चोरी झाल्याचे दिसून आले असता त्या क्षणी त्यांना धक्का बसला. दादाराव आगलावेयांनी पोलिस प्रशासनस ही बाब कळवली असता पोलिस निरीक्षक लक्ष्मण केंद्रे, फौजदार चव्हाण यांनीघटनास्थळी भेट दिली व पाहणी केली. नांदेड येथील श्वान पथकास पाचारण केले आहे. दादाराव आगलावे यांच्या घरी धाडसी चोरी भरदिवसाझाल्याने परिसरातील नागरिक भयभीत झाले आहेत. सदरील घटनेची सायंकाळी उशिरा मुखेड पोलिसठाण्यात गुन्हा नोंदविण्याचे प्रक्रिया सुरू असल्याचे माहिती प्राप्त झाली आहे.
Read More » -
फेसबुक वर महिलेबद्दल अपशब्द लिहीणाऱ्या भाजप कार्यकर्त्यावर गुन्हा दाखल करा
मुखेड पोलीस ठाण्यात महिला एकवटल्या मुखेड शहरातील फुलेनगर येथील महिला बद्दल एका भाजप कार्यकर्त्यांनी फेसबुक वर फुले नगरच्या बाया ३०० रुपये असा मानहानीकारक लिखाण केल्यामुळे बुधवारी पोलिस ठाण्यात किशोर मस्कले मंग्याळकर या कार्यकर्त्यावर गुन्हा दाखल करण्याची मागणी घेऊन पोलीस स्टेशनला दि. ६ नोव्हेंबर रोजी बहुसंख्यानी महिला एकवटल्या. लोकसभा व विधानसभा निवडणुकीचे रंगीत तालीम सुरू झाले असून आपल्या पक्षाच्या उमेदवारांचा प्रचार करण्यासाठी कार्यकर्ते सोशल मीडियाचा सर्रास वापर करीत असून आपल्या उमेदवारांना खुशकरण्यासाठी कधी जातीय रूप देत आहे तर कधी कामाचा लेखाजोखा दाखवीत आहेत तर काही कार्यकर्तेत्याला वेगळे वळण देऊन जातीय तेढ निर्माण होणारे व महिला बद्दल अपशब्द बिनधास्त लिहीत आहेतअसाच एक प्रकार मुखेड मध्ये घडला असून भाजप कार्यकर्ता व सोशलमिडिया प्रमुख फेसबुकवर महिलाबद्दल अपशब्द लिहिला आहे. दरम्यान या शब्दाबद्दल येथील महिला पोलीस स्टेशन गाठून संबंधित कार्यकर्तावर कारवाई करण्याचीमागणी केली आहे.
Read More » -
मुखेड येथे आचारसंहिता भंग केल्याप्रकरणी दोन जणांवर गुन्हे दाखल
मुखेड : प्रतिनिधी विधानसभा निवडणुकीची प्रक्रिया सुरू असताना आचारसंहिता भंग केल्याप्रकरणी मुखेड पोलीस ठाण्यातगटविकास अधिकारी तथा आदर्श आचारसंहिता पथक प्रमुख यांनी दिलेल्या तक्रारीवरून दोघांविरुद्ध मुखेडपोलीस ठाण्यात गुन्हा दाखल करण्यात आला आहे. ही घटना शुक्रवार दि. २५ रोजी सायंकाळी घडली. मुखेड पंचायत समिती कार्यालय परिसरात बचत गटाचे कार्यालयात अभियान व्यवस्थापक नंदकिशोरवसंतराव मार्गे व संतोष दाजी सोनवणे हे आचारसंहिता भंग करत बचत गटाच्या महिलांना साड्या, सन्मानपत्र लखपती योजना माहिती रजिस्टर इत्यादी साहित्य वाटप करत होते. हा प्रकार शुक्रवार दि.२५रोजी पंचायत समिती मुखेडच्या बचत गटाच्या कार्यालय आवारात सायंकाळी घडला. दोघेजण मिळूनउपरोक्त साहित्य वाटप करत असल्याचे आढळून आले. यामुळे संबंधितांनी आचारसंहितेचे उल्लंघन केल्याचेस्पष्ट झाले. गटविकास अधिकारी तथा आचारसंहिता पथक प्रमुख चंद्रशेखर रामोड यांनी दिलेल्याफिर्यादीवरून नंदकिशोर वसंतराव मार्गे व संतोष दाजी सोनवणे यांच्याविरुद्ध पोलिसांनी आचारसंहिता भंगप्रकरणी गुन्हा दाखल केला आहे. पोलीस निरीक्षक लक्ष्मण केंद्रे यांच्या मार्गदर्शनाखाली तपास सुरू आहे
Read More »